KIVU

Turabaramukije basomyi bacu; nk’uko twabibasezeranije ubushize kuwa 28/06/2020 mu nkuru yari ifite umutwe ugira uti « Dr Biruka Innocent mu mugambi wo kugonganisha u Rwanda n'u Burundi » aho twasabaga ishyaka rya CNRD kimwe na opposition yose kuba maso kugirango hatagira utoba ibikorwa byiza by'impinduramatwara biyemeje, akaba yabatobera yitwikiriye inshingano yaba afite mu ishyaka; uyu munsi turagaruka kuri uyu Dr Biruka benshi bamenyereye mu nyandiko ze zishishikariza abantu gusezerera ubutegetsi bwa FPR Inkotanyi mu gihe itohoza twakoze rikomeje kutwereka ko ibikorwa akora yabyumvikanyeho na FPR. Dr Biruka FDU yamubonye kare ihita imusezerera. Imyitwarire ya Biruka muri FDU yarangwaga no gushaka ko ishyaka rigendera kuri we, uko abona ibintu, ntiyemere na gato kugendera ku murongo n’ amabwiriza bya FDU. Yavuye muri FDU yagukira muri CNRD ari naho yakuye itiki yo kwinjira muri MRCD ubwo iyi mpuzamashyaka yari imaze kuvuka. MRCD imaze kujyaho, Kigali yamubwiyeko ko kugirango ikizere kizagaruke ari uko ibyo atagezeho muri FDU yabikomereza muri MRCD. Mu buryo bwa rusange uyumunsi turabagezaho inshingano n'akazi Innocent Biruka yari yashinzwe na FPR muri MRCD.

Dusubiye inyuma gato, twabamenyeshako uyu mugabo atangira gukorana na FPR atari abyishimiye akaba yarabyinjiyemo by’amaburakindi bikarangira abyirundumuriyemo. Muti Byagenze gute rero: Kimwe n'abandi banyarwanda cyane cyane b’abahutu Dr Biruka yahuye na ya ntare FPR imaze imyaka 26 ikangisha abahutu yitwa Genocide yakorewe abatutsi . Dr Biruka nk’umuntu wakoranye bya hafi n’abantu bari bakomeye muri gouvernement y'Abatabazi (abato nabibutsako ari gouvernement yagiyeho indege ya President Habyarimana imaze guhanurwa ), FPR yaramwegereye imubwirako aregwa genocide ndetse imwereka n’ibimenyetso bimwe ifite bigoye kwisobanuraho cyangwa guhakana kuburyo Dr Biruka yabonye byanga bikunda bitazamugwa amahoro, yemera ibyo bamusaba. Ni bwo yatangiye gukorana nabo cyaneko bamwizezaga n’izindi nyungu na we yabibonamo.

Muri MRCD uyu mugabo yarafite ubutumwa bwo gukora ibyo ashoboye byose agakurura ubwumvikane bucye hagati ya Paul RUSESABAGINA na Faustin Twagiramungu bityo bikarangira hagize igice kimwe kijya kuri Twagiramungu ikindi kuri RUSESABAGINA. Ibyo kandi byari gutuma havuka umwuka mubi muri opposition, gucika intege kw’abaturage baba babari inyuma, no guhangana ku buryo n'ingabo za MRCD zashoboraga kwisanga muribyo bice zigacikamo kabiri. Dr Biruka mu mwanya w’ ubuyobozi yararimo muri MRCD yibwiragako azabishobora. Amakuru twabashije kubona ni uko yagendaga yegera abantu batandukanye mu mashyaka agize MRCD, bamwe akabaha n’amafranga rwihishwa, kugirango abategure kuzacagagurana umunsi umuriro uzaba watse. Ibi bikaba ariko bitaramuhiriye. Amakuru twabonye nuko aba basaza bombi kubera gukorana bya bugufi, imigambi ya Kigali itashobotse, ahubwo bikaba byararangiye ishyaka rya CNRD ari ryo ritandukanye na MRCD biturutse kuri ayo makimbirane Biruka n’abantu yagiye yiyegereza bakujije, bikarangira mu by’ukuri ari nkaho abasirikare batandukanye n'abanyapolitike. Ibi rero bikaba bitarashimishije Kigali akaba ari nayo mpamvu mutigeze mubona i Kigali bishimira cg ngo bamamaze ibibibazo byavutse muri MRCD nk’uko basanzwe babigenza iyo hari agakomye muri opposition. Dore impamvu tuvugako ntacyo Biruka yagezeho:

''1. Kigali yabonye ko abasirikare batacitsemo ibice bityo bakaba bashobora kugirana ibiganiro n'abanyapolitike bagasubirana cg bagashaka andi mashyaka ya politiki bakorana ibi bikaba ntacyo byafasha FPR.

2. Kigali yabonye ko abanyapolitike b’amashyaka atatu RDI, PDR na RRM bagumanye (mu butumwa Dr Biruka yari afite kwari ugukora ibishoboka byose RRM igasenyuka, abatutsi n'abahutu bagasubiranamo. Niyo nkomoko y’imvugo zimwe zibasira abatutsi zakunze gukoreshwa na Biruka nabantu bamwegereye, burya si urwango baba banga abatutsi gusa, ahubwo kari akazi n’ubwo benshi basa n’abakinjiyemo baherekeje Biruka batabizi).

3. Kuba aya mashyaka atatu akiri hamwe FPR nta nyungu yabibonyemo kuko ashobora gukora igisirikare cyayo cyangwa agafatanya n’indi mitwe ya Gisirikare. Ubu twandika, amakuru dufite ni uko aya mashyaka ari gukora ijoro n'amanywa ngo ibi bitungane vuba hashoboka. '' Ibi rero byose FPR irabizi neza, kandi na Biruka arabizi.Tugasanga rero opposition idakwiye kwirara cyane cyane MRCD. Nubwo haba hatahiwe andi mashyaka, ariko MRCD umutwe wayo nturagera ku mbehe, Kandi ngo muri CNRD ishyamba si ryeru. Biruka akeneye gutanga ingurane ya buriya bushuti bwe n’ abahoze bayoboye gouvernement y’abatabazi bakundaga kwita guvernema Kambanda. Ntabwo rwose Kigali yigeze yishimira ibibazo byabaye muri MRCD kuko atariko yari yabipanze. Reka tubamenyeshe ko ibitutsi Biruka yatutswe na Dany Munyuza ko ari igicucu, ko akazi kamunaniye ndetse akamwibutsako Dossier ye ntaho yagiye ari byo byatumye Dr Biruka yihutira gushaka uko yakwatsa umuriro hagati y'u Rwanda n'Uburundi ngo arebeko yahosha uburakari bwa Kagame warumaze gutakaza position yose yabasirikare muri Nyaruguru, ariko kandi kubera igihunga yabikoze ahubutse atabanje kubyiga neza nkuko mwabibonye munkuru yacu y’ ubushize.

Amahoro kuri mwese mudukurikira

Karinganire Aimé/ Uvira

• Ngo yari agiye kuba umupilote • Ibibazo bikomeye yahuye nabyo aza mu Rwanda • Yanywereye muri Hotel Kiyovu bwa mbere afite imyaka 20

Ntibyoroshye ko buri wese abasha kubona umwanya wo gusoma igitabo cy’impapuro 200 cyangwa izirengaho; n’uwabona uwo mwanya ashobora kugira ingorane zo kutabasha gusoma icyo gitabo bitewe no kutamenya ururumi; n’uwaba azi indimi zombi (Igifaransa, Icyongereza n’ikinyarwanda) hari igihe atabasha kubona icyo gitabo yifuza gusoma. Nk’uko twabyiyemeje mu kinyamakuru Ihame tuzajya tubasomera ibitabo tugeze kubasomyi bacu incamake y’ibikubiyemo. Mu ncamake tuzajya tugerageza gusangiza abasomyi bacu ibyo batari bazi ibikubiye muri ibyo bitabo. Tuzahera ku bitabo bishishikaje byanditswe n’abanyarwanda.

Uyu twabahitiyemo kubagezaho amabanga 30 y’ubuzima bwa perezida Paul Kagame, urugamba rwa RPA n’ingoma ya RPF; nk’uko yabyihishuriye umwanditsi Stephen Kinzer akabyandikamo igitabo yise “A Thousand Hills: Rwanda’s Rebirth and the Man Who Dreamed It.” Iki gitabo kirimo amabanga menshi utari uzi ku buryo kuyamenya biteye amatsiko menshi.Birumvikana ko hari ukwivuga ibigwi kwa Paul Kagame. Reka ntabarambiye duhere ku ibanga rya mbere nk’uko yabibwiye uwanditse iki gitabo.

Ibanga rya 1:

Amateka ya Paul Kagame atangira tariki 06 Ugushingo 1959, ubwo umwami Mutara III Rudahigwa yamenyaga ko ubuzima bw’umuryango w’iwabo wari mukaga akaboherereza imodoka ye ngo ijye kubakura aho bari batuye i Tambwe muri Gitarama ikabazana ibwami i Nyanza. Ubwo hari hashize iminsi 3 hatangiye ubwicanyi. Kuri uwo munsi bari batewe n’amagana y’abahutu bitwaje ibyuma, imihoro, amacumu n’ibindi. Iyi modoka ikiri mu nzira iki gitero cyamenye ko ari imodoka y’Umwami ije guhungisha umuryango w’iwabo wa Paulo Kagame (HE) cyane ko imodoka zari zikiri nkeya icyo gihe. Igitero cyahise cyihutira gutanga iyo modoka ariko ntibyakunda baje kuhagera umushoferi yamaze kujyana uwo muryango wose. Paul Kagame, bashiki be n’abavandimwe, n’ababyeyi be baba barokotse ubwicanyi batyo. Nyuma y’ibyumweru 8 bari aho ibwami Nyanza, nyina wa HE (Asteria) yaje gufata icyemezo cyo gusubira murugo i Tambwe kuko ubwicanyi bwasaga naho bwahosheje. Nyuma y’amezi 6 gusa batashye, hongeye kuba ubwicanyi bongera gutera iwabo wa HE, bongera guhungira ibwami ariko kuri iyi nshuro nyina wa HE yari yamaze gufata umwanzuro wo guhunga bityo ahungira mumajyaruguru y’u Rwanda hafi y’umupaka wa Uganda muri bene wabo bari bahatuye. Se wa HE, Deogratias, wari umaze iminsi atari iwe, aha mumajyaruguru niho yaje gusanga urugo rwe nawe muburyo bwihuse yemeza ko bagomba kwambuka bagahungira Uganda. Bambukanye ibikapu bike birimo imyenda y’abana. Ibanga rya 2: Bakimara kwambuka umupaka ubuyobozi bwa Uganda bwaje kubafata bubatwara ahitaruye umupaka w’u Rwanda, aha Uganda baje kw’isanga muzindi mpunzi zibarirwa mubihumbi cumi birenga. Buri nyuma y’icyumweru cyangwa bibili babahaga iposho rigizwe n’ibishimbo n’ifu;indi minsi byabasabaga kwishakira imibereho. Bene wabo basigaye mu Rwanda baje kubafasha gutwara bashiki ba HE 2 bakabajyana iburayi. HE uko ababyeyi bari babasigaranye ari 4 -abakobwa 2 n’abahungu 2bafashaga kuvoma no gushaka inkwi.

Ibanga rya 3: Aho batuye bwa mbere mu nkambi y’impunzi muri District ya Ankole,Paul Kagame yaje kuhamenyanira n’umwana witwaga Fred Gisa Rwigema kugeza ubwo baje kwimukira muri District ya Toro. Abantu benshi bacyekaga ko bavukana kubera ukuntu batatandukanaga, aho umwe yabaga ari akenshi niho nundi yabaga ari. Kimwe mubintu bakundaga icyo gihe ni kumva inkuru z’urugamba rw’inyenzi n’andi mateka kuko kenshi bakundaga gusanga umwe mubasaza bari bararwanye intambara y’inyenzi babanaga aho mu nkambi akababwira inkuru z’uko urugamba rw’inyenzi rwagenze. Kumva izo nkuru z’ibitero by’Inyenzi zo mu 1960, akenshi, buri wa gatandatu Kagame na Rwigema bajyaga murutoki bagakina bigana ibitero by’Inyenzi; bifashishije imitumba y’insina nk’imbunda. Nubwo bari inshuti magara mubwana bwabo, Kagame na Rwigema bari bafite itandukaniro ritari rito. Dore uko uyu mwanditsi avuga, k’urupapuro rwa 13, kuri iryo tandukaniro :”Paul was highly intelligent but sullen and withdrawn, liable to explode and fight at any moment. He rarely smiled and projected such an air of seriousness that even older people curbed their rowdiness and rough language when he entered a room.” Tugenekereje n’ukuvuga ko Paul Kagame, mu bwana bwe yari azi ubwenge atuje ariko agaragara ko yagira amahane ashotowe.Yasekaga gake cyane kandi agaceceka cyane kuburyo byabangamiraga abantu bakuru. Naho kuri Fred Rwigema, uyu mwanditsi aragira ati:” Fred was exuberant and charismatic.His ready grin and outgoing manner won him many friends. He was handsome, suave and seductive, unlike his thin, gangly friend.Girls flocked around him and boys wanted to be like him.” Tugenekereje bivuze ko Fred, we, yasabanaga na bose akarangwa n’ibineza neza n’igikundiro kuburyo abakobwa bamukundaga cyane bakamwirukaho n’abasore bakumva bifuje kugira igikundiro nk’icye.

Ibanga rya 4: Abana bose b’impunzi z’abanyarwanda zigaga mu nkambi; Paul Kagame yaje kugaragaza umurava mumyigire bituma ageze muwa gatatu aza kwemererwa kwiga mu ishuli ryiza rya Rwengoro Primary School ryari kukilometero 1 n’igice uvuye mu nkambi aho yari atuye. Yarangije afite amanota ya mbere mu karere yari atuyemo.Ibi ntibyari byoroshye kuko abana bose b’abanyarwanda boherezwaga kwishyuri kugira ngo bige bashizeho umwete bazabashe gucyura ababyeyi babo i Rwanda. Ayo manota meza yabonye yamufashije guhabwa ishuli muri rimwe mumashuri meza yisumbuye yo muri Uganda ariryo Ntare School. Gusa ameze kugera muri iyi primaire yaje gutangaza abantu kuko atari akishishikajwe cyane no kwiga. Ku myaka 15 yaje gupfusha papa we. Mu mashuri umwe mubiganye nawe yatangarije uyu mwanditsi ko Paul Kagame yabanzaga gutekereza cyane kubintu mbere y’uko agira icyo akora. Mu mwaka 1976, undi muntu wari ingirakamaro cyane mubuzima bwe, inshuti ye magara Fred Rwigema, yaje kuburirwa irengero. Ubushake buke bwo kwiga byatumye ahagarikwa ku ishuri bibangombwa ko ajya kurangiriza amashuri ye kuri Old Kampala Secondary School, aha byari bimaze kugaragarira benshi ko ari indwanyi kandi witeguye kurwanya umuntu wese wagaragazaga ko adakunda abanyarwanda. Dore uko yabibwiye Stephen Kinzer k’urupapuro rwa 15:”I started feeling, in my thinking and whole being, very rebellious. I wanted to rebel against everything in life. I felt some kind of undefined anger. There was something I wanted to overcome, but I didn’t know what it was.”

Tugenekereje aragira ati: numvaga, mubitekerezo byanjye no muri jye, nigometse. Numvaga nagumukiye buri kintu. Niyumvagamo umujinya ntabasha gusobanura. Hari ikintu numvaga nshaka kugeraho ariko ntazi mubyukuri icyo aricyo. Ibanga rya 5: Ukwezi kumwe nyuma yo kurangizanya amanota atamushimishije, amashuri yisumbuye Paul Kagame yigiriye inama yo gusubira mu ishuri kugira ngo agerageze ashake uko yabona amanota meza. Kuko byasabaga amafaranga yagiye Kampala gushake mwene wabo wabagayo kugira ngo amugezeho icyo kibazo, uwo nyirasenge ntacyo yamumariye arataha. Yaje kumenya ko hari undi mwene wabo wafashaga abanyarwanda kubona buruse zo kujya kwiga mubusuwisi (Switzerland) ajya kumusaba ko nawe yamufasha akabona iyo buruse. Uyu nawe ntacyo yaje kumumarira kuko yaje koherezayo abandi bana batatu, Paul Kagame arasigara. Paul Kagame yabibwiye uyu mwanditsi muri aya magambo: “Yoherejeyo abandi bana batatu kujya kwiga. Ntabwo ari uko bandushaga amanota meza ahubwo n’uko aribo yiyumvagamo. Birashoboka ko iyo nza gukomeza kumutitiriza no kumuhatiriza nanjye yari kumfasha nkagenda. Muri kamere yanjye sinkunda gutitiriza no guhatiriza.”

Uburyo bwa gatatu bwaje kumushishikaza n’itangazo rya East African Airlines ryo mu mwaka 1977 ryashakaga abapilote bashya icumi. Mubasabye iyo myanya barenga ijana Paul Kagame yaje gutsinda ikizami bahawe aboneka muri abo icumi bari bakenewe. Nabyo ntibyamuhiriye kuko umuyobozi w’icyo kigo yaje kumusohora nyuma yo kumwitegereza agasanga ari umunyarwanda amubuza kubona uwo mwanya yari yatsindiye wo kuba umupilote utwara indege. Amaze kuzuza imyaka 20, muburyo butoroshye yaje gutega tagisi aza mu Rwanda i Kigali ari kumwe n’umwe muri bene wabo wari avuye kwiga muri Czechoslovakia. Uru rugendo ntirwabaye rwiza kuko rwaje kubaviramo gufungwa igihe kirenze umwaka mu Rwanda. Amaze kurekurwa yatangiye gutembera muri Kigali yari mu nkuru. Nkuko yabitangarije uyu mwanditsi, yakundaga gutemberera muri Hotel Kiyovu akicara wenyine akanywa fanta. Aha muri Hotel Kiyovu hakundaga kunywera abayobozi, abanyepolitike, n’abapolisi bityo byatumaga ahamenyera amakuru bitewe n’ibiganiro byabo bahanyweraga. Kuri iyi nshuro ya mbere yahamaze ibyumweru bitandantu. Nyuma y’umwaka yaje kongera kugaruka mu Rwanda; kuri iyi nshuro yageze no mubiturage. Nibwo yatangiye kugira igitekerezo cyo gutaha mu Rwanda ndetse atangira kugiganiriza bagenzi be b’impunzi banibaza icyo bakora kugira ngo bacyure ababyeyi babo. Mu gihe yari acyibaza byinshi kucyakorwa kugira ngo bave mubuhunzi yaje kumva inkuru nziza. Iyo nkuru yamumenyeshaga ko Fred Rwigema akiriho kandi ko yamushakaga ko amusanga Fort Portal. Atazuyaje Paul Kagame yamusanzeyo, amubwira ko abantu ba Yoweri Museveni aribo baje kumusaba ko bafatanya urugamba rwo guhirika umunyagitugu Idi Amini. Uku kongera guhura kwabo Paul Kagame yabibwiye uyu mwanditsi ati:” guhura kwacu kwaranzwe n’ibyishimo umuntu atabona uko asobanura. Sinzi mubyukuri uko nabisobanura gusa byari bishyushye. Byari ibintu byihariye.Ntanumwe muri twembi yabitekerezaga, birashoboka ko Fred yumvaga azasanga narapfuye. Nanjye numvaga ntazongera kubona Fred. Byari ibintu bishishikaje cyane. Twamaze igihe kinini turi kumwe, tuganira byinshi bitandukanye, tunararana mucyumba kimwe. Twari dufite byinshi byo kuganira.” Paul Kagame yaje kujyanwa mumahugurwa ya gisirikare muri Tanzania ayamaramo umwaka urenga.

Ibanga rya 6: Tariki 6 Gashyantare 1981, nyuma ya sasita z’ijoro ingabo za Yoweri Museveni zagabye igitero cyabo cya mbere k’umugi wa Kabamba, iki gitero cyari kigizwe n’abasirikare 27 bafite imbunda na 14 badafite ibirwanisho. Bose uko bari 41 harimo abanyarwanda 2 bonyine aribo Paul Kagame na Fred Rwigema. Iki gitero cyatumye babasha kubohoza bimwe mubikoresho bya gisirikare bari bakeneye. Ijoro ryakurikiyeho bateye ikigo cya polisi babasha kwigarurira ububiko bw’intwaro zigendanwa. Ibyo bitero ninako byakomeje mubyumweru 8 byakurikiyeho. Muri iyi ntambara niho yaje kugaragaza ko ashobora gukora neza akazi k’iperereza(intelligence work) aza kubifashwamo n’uko yari acecetse (adakunda kuvuga menshi) ariko agira amatsiko, agashishoza, azi no gusesengura. Ntibyamutwaye igihe kinini Museveni abimukundire ndetse amushinge kuyobora uru rwego rw’iperereza(intelligence). Paul Kagame yabwiye uyu mwanditsi Stephen Kinzer nk’uko bigaragara k’urupapuro rwa 45 ati:”Aka kazi kansaba kugenda ibilimetero byinshi. Rimwe na rimwe noherezwaga mubilometero birenga 200, ngiye gushaka abantu bo kudufasha cyangwa ngiye gushaka ahantu heza hari ishamba ingabo zishobora kwihishamo. Nagombaga kubanza kwiga neza aho hantu nkamenya niba tuzahabona amazi ahagije, tukahabona ubwihisho cyangwa niba abantu baho bashobora kutuyoboka. Nashoboraga kuhamara iminsi, ibyumweru cyangwa amezi ndi jyenyine cyangwa mperekejwe n’abasirikare bake….

Muri ako kazi twahuriragamo n’ibintu byinshi cyane. Hari nk’igihe twashoboraga kuba turi nko mubilometero 300 y’aho dukambitse tukazamenya ko hari ingabo ziri muri Units runaka zasubiranyemo cyangwa se zihanganye n’umwanzi. Nahitaga noherezwayo ngo njye kureba uko byifashe mbashe no gusubiza ibintu k’umurongo…. Hari n’igihe twagendaga mumihana bukaducyeraho tutaragera ahantu hacu ho kwihisha. Twahuraga n’abantu bakadutahura bagatangira kutuvugiriza induru. Twarabafataga tukabatera ubwoba ko nibakomeza kutuvugiriza induru dushobora kubica. Twarabashoreraga urugendo rurenze amasaha 2 twagera aho dushobora kubona ubwihisho tukabirukana ngo batahe.”

Baje gufata Kampala tariki 26 Mutarama 1986 bamaze kugira ingabo 15,000 muri izi ngabo 500 bari abanyarwanda. 1979 abanyarwanda bari barashinze igisa n’ishaka bise ‘Rwandan Refugee Welfare Foundation’. Iyi RRWF niyo baje guhinduramo RANU mu mwaka wa 1980. Mu Ukuboza 1987 mu nama yabereye i Kampala, RANU baje kuyihindura izina iba RPF Inkotanyi.

Kuwa 10 Kamena 1989 yashinze urugo na Jeanette. Mu gihe yari muri gahunda z’ubukwe yatangiye kubona za raporo zimumenyesha ko President Museveni arimo ategura kumwohereza mumahugurwa ya gisirikare muri Nigeria. Fred Rwigema nawe yaje kumenya ko nawe Museveni ategura kumwohereza muri America mumahugurwa. Ikigoroba kimwe Fred yagiye kureba Kagame iwe mubiganiro bagiranye Paul Kagame yasabye Fred Rwigema wari umuyobozi wa RPF icyo gihe ko yasaba Museveni kutamwohereza mumahugurwa. Yamubwiye ati:”Dore ugiye muri America nanjye noherejwe Nigeria. Abandi ba ofisiye nabo baroherezwa muburusiya. Urabona ibi ntacyo bigamije”. Basoza ikiganiro amubwira ati: Fred ntugomba kwemera kugenda kuko nk’umuyobozi wa RPF ntugomba kwemera kugenda kuko RPF igomba gukomeza. Ugomba kubwira Museveni ko urushye kubera akazi kenshi ko kuva Tanzaniya na hano mu gihugu kandi ko ukeneye umwanya wo kuruhuka no kwita kumuryango wawe. Natabyumva uhatirize. Umunsi wakurikiyeho Fred Rwigema yagiye kureba Museveni amusaba ko atajya mumahugurwa hanze y’igihugu; ariko Museveni yaramwangiye. Batandukanye Fred amusabye kongera kubitekerezaho.

Umunsi wakurikiye Museveni yohereje abantu kujya kureba Kagame bakamubwira ko agomba kwitegura kujya muri America aho Fred yagombaga kujya mumahugurwa. Akimara kubimenyeshwa yahise ajya kureba Fred iwe amubwira uko intumwa za Museveni zamubwiye. Nkuko yabibwiye uyu mwanditsi Kagame yabwiye Fred ati niba wumva nanjye nakwanga kujyayo umbwire mbihagarike. Ariko Fred yamubwiye ko abyanze nawe byatuma bacyeka byinshi bikagira ingaruka nyinshi kuri RPF. Bimvikana ko igihe cyose azumva bateye azahita agaruka akabasanga k’urugamba. Ageze muri U.S Army Command and Staff College i Fort Leavenworth muri Kansas yasanze impapuro zose zanditse mumazina ya Fred Rwigema, bityo byamusabye gusobanurira abayobozi bicyo kigo ko Perezida Museveni yahinduye gahunda akohereza we. Ibanga rya 7 Kuya 01 Ukwakira 1990, saa kumi za mugitondo, Fred Rwigema ayoboye abasirikare 2,000 hamwe n’abasivili 800 (abakada) bahise bagaba igitero cy’amateka i Kagitumba mu Rwanda. Iyi tariki bayihisemo bashingiye ko hari inama y’abana i New York kandi Museveni na Habyarimana bagombaga kuyitabira. Kwitabira iyi nama byasobanuraga ko Fred wari uyoboye ingabo zo mumajyaruguru ya Uganda kandi akaba yaratangaga raporo kuri Museveni ubwe, kujyana ingabo byari kuba byoroshye kuko ntawundi muri Uganda washoboraga kumubaza aho izo ngabo zingana gutyo azijyanye. Paul Kagame akimara kumva ko bateye yahise ajya kureba umuyobozi w’ishuri amubwira ko ahagaritse amahugurwa kandi agiye guhita ataha Uganda. Uyu muyobozi ntiyigeze abyumva kuko iri shuri rya gisirikare abantu bifuzaga kuryigamo bari benshi kandi ntanarimwe yari yarabonye umuntu usezera atarangije amasomo. Paul Kagame yahise atangira kwitegura kuza k’urugamba gufasha bagenzi be. Atangira gutirura ibikoresho by’ishuri yari yarahawe. Ku munsi wakurikiyeho Paul Kagame yatangiye kumva hari ikintu kidasanzwe ashingiye kumakuru yarimo kumva aturutse Uganda. Yabibwiye uyu mwanditsi muri aya magambo k’urupapuro rwa 66:” Nkurikije amakuru nabonaga natangiye kumva hari ikintu kidasanzwe cyabaye. Sinari ncyumva Fred. Ku munsi wa gatandatu cyangwa wa karindwi nahise mpamagara umuntu Uganda mubaza niba aheruka kuvugana ubwe na Fred Rwigema. Numvaga mfite ibicuro bitari byiza numvaga hari ikintu kitari cyiza cyabaye. Nahise mutuma kujya k’urugamba mu Rwanda kureba Fred akamubwira ko nifuza kuvugana nawe kuri phone. Niba kandi bidashoboka ko tuvugana uze kumbwira ko wamwiboneye ubwawe….Nyuma y’amasaha 24 nahamagaye iyo ntumwa ariko umufasha we ambwira ko ataragaruka. Naje kuvugana niyo ntumwa imenyesha ko Fred yitabye Imana. Namubajije icyishe Fred ambwira ko bigoye gusobanura.

Umufasha wanjye yabonye nahindutse ambaza ikibaye musubiza ko ntacyo. Nanze kumubwira ko Fred yapfuye kubera impamvu zikurikira: nabonye gusakaza iyo nkuru byari gutera ingaruka mbi. Ikindi umufasha wanjye yari kumva ko ubwo Fred yapfuye nanjye ugiye k’urugamba ntakindi kintegereje. Iyo nkuru yaranshegeshe cyane”. Ubutaha tuzabagezaho uburyo Paulo Kagame asobanura: • Uburyo RPF yacitsemo ibice mbere yo gutera; • Ubutendo 4 Kagame avuga yakoze mu rugendo kuva America, • Amagambo ya mbere yabwiwe na komanda wa RPA akigera ku rugamba • Amayeri n’amacenga mashyashya y’urugamba

Source : ihame.org

U Rwanda rwiteguye kugeza imbere y’ubutabera Abafaransa bagize uruhare muri Jenoside yakorewe Abatutsi mu 1994, ariko bigakorwa mu nzira zemewe n’amategeko rwirinda kugera ikirenge mu cy’umucamanza Jean Louis Bruguière washyizeho impapuro zita muri yombi abasirikare b’u Rwanda nta n’iperereza akoze.

Mu 2006 umucamanza w’Umufaransa, Jean-Louis Bruguière yakoze raporo yashinjaga bamwe mu ngabo zari iza RPF-Inkotanyi kuba mu barashe indege ya Habyarimana, ashyiraho n’impapuro zo guta muri yombi abagera ku icyenda ariko bikozwe mu buryo bwanenzwe n’u Rwanda.

Mu kiganiro Minisitiri w’Ububanyi n’amahanga akaba n’Umuvugizi wa Leta, Louise Mushikiwabo, yagiranye n’abanyamakuru kuwa Kane tariki 10 Ugushyingo 2016, yatangaje ko biteguye kugeza mu butabera Abafaransa bagize uruhare muri Jenoside yaba urwa politiki cyangwa urwa gisirikare.

Ibi abivuze mu gihe Komisiyo y’Igihugu yo Kurwanya Jenoside, CNLG, iherutse gushyira hanze amazina 22 y’abasirikare bakuru b’u Bufaransa bagize uruhare muri Jenoside mu Rwanda. Minisitiri Mushikiwabo yasobanuye ko ruriya rutonde rutavuga ko bagiye gutabwa muri yombi ko ahubwo ari inzira imwe y’ubutabera iganisha kuri icyo gikorwa.

Yagize ati “Icyo bisobanura ni uko ari mu nzego za gisirikare z’u Bufaransa ari no mu nzego za politiki, hari abantu bagaragaraho ibimenyetso by’uko bagize uruhare muri Jenoside yabereye muri iki gihugu.” Yakomeje atangaza ko hasohotse amazina y’abasirikare ariko n’ay’abanyapolitiki ari hafi gusohoka. Ibi ngo bizaba bisobanuye ko iperereza kuri abo bantu rikwiye gutangira.

Minisitiri Mushikiwabo yashimangiye ko u Rwanda rutazemera kuba insina ngufi imbere y’ubucamanza bw’u Bufaransa, kandi ruzakora uko rushoboye kugira ngo ukuri kugaragare kandi Abafaransa bagize uruhare muri Jenocide bakurikiranwe. Icyakora Mushikiwabo yemeza ko ibyo u Rwanda ruzakora byose rutazigera rugera ikirenge mu cy’umucamanza w’Umufaransa, Jean Louis Bruguière, wabyutse agahitamo amazina y’abahanuye indege ya Perezida Habyarimana nta n’iperereza akoze.

Yagize ati “Kugira ngo tuzabashe kugera ku mpapuro zifata abantu, hari inzira binyuramo keretse ushatse kuba nk’umucamanza Bruguière, niwe wabyutse afunga amaso ahitamo amazina y’abantu arega ko bagushije indege ariko ubundi mu mikorere myiza y’ubucamanza, umuntu urabanza ukamukoraho iperereza ukamumenyesha, ukamuha umwanya wo kukubwira amakuru afite hanyuma izindi nzego z’ubutabera na zo zigakurikiraho.”

Ku ngingo y’iperereza, yakomeje avuga ko u Rwanda ruzasaba u Bufaransa uburenganzira bwo kugera ku bakekwaho uruhare muri Jenoside, rukabakoraho iperereza rushingiye ku makuru asanzwe ahari. Inkuru bifitanye isano: ‘Ukuticuza n’ubushotoranyi bw’u Bufaransa ntabwo bicyihanganirwa muri iki gihugu’.

http://www.igihe.com/amakuru/u-rwanda/article/ukuticuza-n-ubushotoranyi-bw-u-bufaransa-ntabwo-bicyihanganirwa-muri-iki-gihugu

Igihe.com

SOS DES RÉFUGIÉS RWANDAIS DANS LE NORD KIVU.

Après que les réfugiés rwandais aient pris la décision de se désolidariser du Général BYIRINGIRO et ses FDLR pour des raisons connues de tous (cfr communiqué du CNRD-UBWIYUNGE du 31 Mai2016) et communiqué du CNRD-UBWIYUNGE du 3Juin2016), ce Général BYIRINGIRO et ses FDLR ont débuté des actes ignobles de traquer par balles des réfugiés rwandais dans la région.

En effet, en date du 10 Juin 2016 à 08h30' du matin, les vallées et les collines entre MWESO, KASHUGA, NYANZALE et KIKUKU ont été le théâtre d'un concert assourdissant de bruits des armes. La population civile réfugié et autochtone confondues se cachent sur les collines où ils attendent une main secourable. Le bilan de cette barbarie qui risque d'être lourd reste encore inconnu.

Les acteurs du drame en plus des commanditaires sont: 1.Le Col GAKWERERE Sibo Staney 2.Le Col NDINZIMIHIGO 3.Le Lt Col RUHINDA 4.Le LT Col VUMILIYA 5.Le Maj De Gaule 6.Le Maj VAINQUEUR et leurs commandos.

SOS lancé à la RDC et à la communauté internationale.

Fait à Rutchuru,le 11/06/2016,

MUNYAKAZI Manassé, Le représentant des réfugiés rwandais dans le Nord Kivu (se')

ITANGAZO RIGENEWE ABANYARWANDA N'ABANYAMAKURU

-Dushingiye ku itangazo rigenewe abanyarwanda ryo kuwa 31/05/2016 ry'umuvugizi wa CNRD-Ubwiyunge.

-Dushingiye ku itangazo ryo kuwa 03/06/2016 ry'ubuyobozi bw'ingabo muri Kivu y'amajyepfo;

-Dushingiye ku myanzuro y'inama yo kuwa 04/06/2016 y'abahagarariye amazone n'abungirije ; Inama ya comité ya Coordination yo kuwa 06/06/2016 yarateranye yanzura ibi bikurikira:

1.Dushimiye kandi dushyigikiye umugambi n'icyemezo(vision) bya CNRD-Ubwiyunge.

2.Dushyigikiye byimazeyo ubushishozi bw'ingabo zacu mu kwifatanya na CNRD-Ubwiyunge.

3.Turashima ubunararibonye ingabo zagaragaje mu kutarasana ku bw'ivuka rya CNRD-Ubwiyunge.

4.Dushyigikiye Fonds de soutien ya CNRD-Ubwiyunge.

Turifuza impinduka itaba amagambo ahubwo yahindura byose nk'uko intego za CNRD-Ubwiyunge ziri.

Bikorewe i Mwenga le 06/06/2016

NZEYIMANA Théoneste Umuyobozi wa Komite Ihagarariye Impunzi z'Abanyarwanda ziri mukarere ka KIVU y'amajyepfo.

ITANGAZO RIGENEWE ABANYAMAKURU N'ABANYARWANDA BOSE.

Twebwe Ingabo zari iza FDLR muri Kivu y'amajyepfo:

-Turebye igihe urugamba twiyemeje rwo kubohoza igihugu cyacu n'Abanyarwanda bose bakandamijwe n'ingoma y'igitugu ya FPR-INKOTANYI; rumaze rudatera imbere nkuko abenshi tubyifuza; -Dushingiye ku macakubiri y'urudaca yagiye aranga cyane ubuyobozi bwa politiki kuva muri Nzeli 2003 kugeza ubu; -Dukurikije ko inshuro nyinshi ubuyobozi bwa FDLR bwagiye bwima amatwi inama bugirwa n'abo bukuriye cyane mu ikemurwa ry'amakimbirane nkuko byagaragaye mu nama ya Komite-Nyobozi ya FDLR yateranye kuva taliki ya 23-26 Gicurasi 2016; -Tumaze kubona ko ibivugwa mu itangazo rya CNRD-UBWIYUNGE byose bifite ishingiro;

Kubera izo mpamvu zivuzwe haruguru,turamenyesha abanyarwanda bose ibi bikurikira:

1.Twitandukanije na FDLR n'ibikorwa byayo; 2.Tubyumvikanyeho n'Abakuru bose b'Imitwe igize izo Ngabo,dufashe ICYEMEZO NDAKUKA CYO KWIYUNGA N'umutwe wa politiki wa CNRD-UBWIYUNGE. 3.Turasaba Abanyarwanda bose bafite umutima wo kubohoza igihugu n'uw'ubwiyunge,kwifatanya natwe muri uru rugamba.

Bikorewe i Mwenga taliki ya 3 Kamena 2016. Col MULAMBA Jean Paul Umuyobozi w'Ingabo(se)

Banyarwanda Banyarwandakazi dusangiye gupfa no gukira hano mu mashyamba ya Repuburika Iharanira Demokarasi ya Kongo n’abandi, hashize igihe kirekire turi mu kababaro gakomeye kiganjemo urupfu rwa buri gihe, twicwa tuzira ubusa kandi bikagaragara ko bishyigikiwe na benshi kuri iyi si.

Guhera taliki ya 01/10/1990 kugeza magingo aya, twebwe impunzi z’abanyarwanda twateshejwe agaciro, by’umwihariko impunzi z’Abahutu, kuko ari zo zatereranywe ku isi imyaka ingana itya. Uyu munsi bikaba bitari kuri twebwe impunzi gusa, ahubwo Umuhutu yarahagurukiwe haba mu mahanga yahungiyemo, ndetse no mu gihugu cy’u Rwanda abarimo bateshejwe agaciro ku buryo bubonwa na bose. Nubwo bamwe babibona nk’igikorwa cyiza Leta ya FPR ikora.

Hashingiwe ku binyoma bikomeye bya FPR, buri wese aho ari nta byiringiro abona byo gutabarwa, kwaba gutabarwa n’Imana cyangwa n’abantu, kuko ikinyoma cya FPR cyabaye intwaro ikomeye yo kurimbura abanyarwanda, cyane cyane hibasiwe Abahutu. Iyo tuvuga ijambo ubwoko bw’Abahutu ntituba dushaka kuzana ivangura, ahubwo ivangura rya Leta ya FPR ni ryo ridutera kuvuga Abahutu n’akarengane kabo mu Rwanda no mu mahanga bahungiyemo.

Iri vangura rya FPR rero ni igikorwa kibi cya kirimbuzi cyo kumaraho Abahutu hakoreshejwe ubuhanga bw’ivanga rigamije ivangura. Iri jambo IVANGA RIGAMIJE IVANGURA rishaka kuvuga iki? Muri iki gihe mu Rwanda hadutse gahunda ya « Ndi Umunyarwanda » aho bavuga kenshi ko mu Rwanda nta moko abamo, ko bose ari Abanyarwanda: iryo ni IVANGA rya mbere. Mu Rwanda, nyuma y’uko indege ya Perezida HABYARIMANA ihanurwa FPR yabonye uburyo buyoroheye bwo kurimbura Abahutu, yitwaza ko iri guhagarika Jenoside, inabona n’uburyo bwo guhisha ibyaha byakozwe mu ntambara yatangiye taliki ya 01/10/1990.

Abantu rero bishwe kuva kuri iyo tariki, FPR yabonye uburyo bwo kubakusanya (amagufa yabo), igamije kwikuraho icyo kirego. Bose ibakusanyiriza mu nzibutso ibita Abatutsi bishwe muri Jenoside. Uyu munsi rero FPR yicaye izi neza ko ikirego cy’ubwicanyi yakoreye Abahutu cyarangiye, kuko amagufa yabo yamaze kwitwa ay’Abatutsi iryo na ryo ni IVANGA rya kabiri. Ikibabaje si ukuvanga ubwoko bw’abantu ukabagira bamwe, ikibabaje si ugufata amagufa y’abantu ukayita ay’ubwoko bumwe, ahubwo igiteye agahinda ni ugukora iryo vanga ugamije kuvangura ba bantu ngo ubone uko wibasira bamwe, ubafunga, ubakoresha uburetwa, ubica uko ushatse kugeza ubwo usaba n’inkunga yo kugufasha kubarimbura ntibigire uwo bibabaza.

Banyarwanda banyarwandakazi, mpunzi zose dusangiye gupfa no gukira, uyu munsi turi mu kaga duterwa n’iryo vanga rigamije ivangura rya FPR, kuko icyo tuzira ni umujinya uturuka ku magufa y’abacu bishwe guhera kuwa 01/10/1990. Abo twakagombye kubiziza, ari na bo bateje intambara y’amasasu mu banyarwanda, n’ubwicanyi bugikomereje kuri twe kugeza ubu, ni bo ahubwo batuziza abacu biyiciye bakoresheje rya vanga rigamije ivangura bazanye mu Rwanda.

Ibyo byago byose byatugwiririye, benshi babibona nk’ibitazarangira, ndetse bakabona n’Imana ubwayo itashobora kubituvanamo. Kubw’ibyo, buri wese yamara kwiheba, agakora ibimujemo kugera ubwo bamwe bakora n’ibirushaho kubagira ho ingaruka ubwabo cyangwa kuri bagenzi babo, ari byo: ubusinzi bukabije, kutagira impuhwe, kubura urukundo, kugambanirana, kwishyira mu maboko y’ushaka kukurimbura, kwiyanga, gupfana nabi bagenzi bawe, kurema ibice mu bo mubana, agahinda gahoraho, umushiha, gushimishwa no kurya no kunywa gusa, kwanga amasengesho n’abayakora, kutisukura, kwigunga, kwiheza, n’ibindi…. Ibyo byose bikaba ari ingaruka z’ibikomere biterwa n’ibyadukorewe isi yose irebera, na n’ubu bikaba bikidukurikiranye, ndetse ukwicwa no kurimburwa kwacu bigafatwa nk’igikorwa gitagatifu kuri benshi batadushaka.

IBYO BYOSE TWABONYE, DUKWIRIYE KUBYIFATAMO DUTE? IGISUBIZO NI: « UKUBYEMERA TUTABYEMEYE » Iri ni ijambo rigomba gusobanuka neza kugira ngo buri wese arigendere ho azi icyo rishaka kuvuga. Kuvuga ijambo, kubyemera tutabyemeye, bishatse kuvuga iki? Iyo ukurikiranye amateka y’ibyanditswe muri Bibiriya (Ijambo ry’Imana), usanga hari n’abandi bantu babayeho mu buzima bw’akaga nk’ako turimo muri ibi bihe, aho usanga ubwoko bw’Abayisiraheri bwaragiye bubabazwa, kandi uko kubabazwa kukagaragara nk’uko batejwe n’Imana, Nyamara wareba neza ugasanga ibyo bakorewe byarakorwaga n’abanzi babo (Abantu).

IMANA YABAHANISHAGA ABANTU NKA BO IKABAREKERA MU BYAGO NGO BABONE UKO BAYIMENYA ARIKO IKANAKORESHA ABANTU B’IBINDI BIHUGU CYANGWA UBUNDI BWOKO. Na none kandi iyo ukurikiranye ayo mateka, usanga intangiriro yo gukira ako kaga barimo, ari kwemera ko ibyago barimo babitejwe n’Imana. Iyo ikaba intambwe ya mbere yitwa kwemera ibyago urimo. Iyo ntambwe ya mbere Abayisiraheri bamaraga kuyitera, bagatangira guhindura imyumvire y’ububabare bafite baterwa n’abandi bantu, ahubwo bakababazwa n’icyatumye bagubwaho n’akaga barimo.

Bityo aho kugira ngo buri wese apfane nabi mugenzi we, cyangwa ngo yitakane abanzi, ahubwo buri wese yiciraga urubanza agira ati: « Ibi byari bikwiye kumbaho kubw’ububi bwanjye ». Ibyo ntibyabateraga kunyurwa n’akaga barimo ngo bakagire twibanire, ahubwo batangiraga intambwe ya kabiri yo kwanga ubwo bubabare, ari byo byitwa ukutemera. Bagatangira kurwana ariko bihereyeho. Buri wese akirwanya ku bubi bwe. Yamara kwitsinda agatangira urugamba rwo kwibohora, arwanya ababashikamiye, ariko anizeye ko nyuma yo kugarukira Imana, agiye kurwana ari mu ruhande rwa yo, na yo iri mu ruhande rwe.

Nguko uko Abayisirayeli bashoboraga kuva mu kaga bashyizwemo n’abanzi babo biturutse ku Mana: ibyo rero ni byo byiswe « Ukwemera utemeye ». NATWE IMPUNZI ZATERERANYWE DUTANGIRE URWO RUGENDO TWUMVA KO ATARI AMAHANGA YADUTERERANYE, AHUBWO KO ARI IMANA YADUTERERANYE KU BW’IBYAHA BYACU, TUREKE KUBONA TWARATERERANYWE N’AMAHANGA, AHUBWO TWUMVE KO ARI IMANA YADUHAGURUKIYE IKORESHEJE ABANTU YIREMEYE.

Hari benshi batumva neza ko ari gahunda y’Imana, bagashakira mu bwenge bw’iyi si bupfuye, igisubizo cy’ibibazo impunzi zifite ariko ntibishoboke. Niba tutarabona ko aka kaga turimo gaturuka ku Mana, turacyafite igihe dutegereje ko ijambo »kwemera tutemeye » rituzamo tukabona gutabarwa. Imana ikeneye ko twemera ikatugenga uko ishaka, ikatujyana aho ishaka n’uko ishaka, n’igihe ishakiye. Ariko benshi ntibabikozwa, aho bamwe bifuza kwereka Imana uburyo n’inzira ikwiye kunyuramo kugira ngo idutabare. Iyo myumvire ikaba igaragara mu bantu basenga n’abadasenga.

IKIBABAJE CYANE ARIKO NI UKO DUSHAKA KO IMANA IDUTABARA YIFASHISHIJE IBYAYITEYE KUTURAKARIRA. NDETSE TUKUMVA KO TUZATABARWA HIFASHISHIJWE INZIRA YADUTEYE GUSENYUKA, ARI NA YO IDUKURURIRA UMUJINYA W’IMANA. Iyo Imana idusaba kwemera kuba uko ishaka, benshi turabyanga tukabyamaganira kure.

ARIKO SE NTABWO BISHOBOKA KO TWABA UKO IMANA ISHAKA? Uyu munsi, twebwe impunzi z’abanyarwanda, muri rusange twabaye nka wa mugenzi uba wicaye mu modoka atari we uyitwaye, maze imodoka yahengama akayifata agakurura ngo itagwa kandi ayicayemo. Ese birashoboka? Hashize imyaka 25 impunzi turi mu kaga gakomeye cyane ko kwicwa umunsi ku wundi, inzara, kwambara ubusa, kurwara ntituvurwe, kutiga, kudashyingura abishwe, n’ibindi….

Ibyo byose ni agahinda gakomeye katugwiririye. Ariko iyo Imana itubwiye ngo twemere tube uko ishaka, twumva tutabishobora kandi n’ubundi turi uko ishaka. Ikibura ni ukubyemera gusa. Ese ubu buzima ni bwo twashakaga kubona? Turi gusabwa kwemera ko ubu turi uko Imana ishaka gusa, maze igahera kuri uko kwemera abo turi bo, noneho ikadushyira aho ishaka ko tuba, NIBA UYU MUNSI TUTAREMERA KO TURI UKO IMANA ISHAKA NI IKIBAZO KUKO NIBA TUTABONA KO TURI MU KAGA TWASHYIZWEMO NA YO BIHITA BYEREKANA KO TUTAZANEMERA KO ARI YO IZABA IDUSHYIZE MU MAHORO. BITYO TUKABA TUKIRI KURE Y’IBISUBIZO.

Ntabwo Kuvuga ko tukiri kure y’ibisubizo ari uguca intege, ahubwo byaba ari ubugome wijeje abantu bakiri inyuma y’umusozi ko bagiye kuwumanuka kandi bataranatangira kuwurira. Urugero: uyu munsi hari abantu badakeneye kumva n’aho bavuga Imana kandi bicaye neza muri ka kaga twahoze tuvuga. Hari n’abibwira ko basenga Imana ariko bayisengera mu buyobe bwo kwibwira ibinyuranye n’ibyo Imana ishaka kudusubirizamo; bityo bakagaragara nk’abasaba ibyo batazi:

   Abo ni abakibona mu idini bakabona Imana izabasubiriza idini barimo.
   Abandi ni abibwira ko Imana izabakiza kuko ari abo mu bwoko runaka;
   Hari n’ababona aka kaga kagwiriye abanyarwanda ari ukugira ngo babone ubutegetsi;
   Abandi bakabonera ugutabara kw’Imana mu turere bahoze batuyemo. Abo mu Majyaruguru (Abakiga) bitana bamwana n’abo mu Majyepho (Abanyenduga), ab’i Burasirazuba bakitana bamwana n’ab’i Burengerazuba, buri wese yibwira ati: « Ese si twe buriya Imana igiye guha ubutegetsi! »

Aha turasabwa kwitonda cyane kuko Imana itaje gutanga ubutegetsi, ahubwo ije guha ikuzo Umwana wayo Yezu Krisitu ibinyujije mu gahugu gatoya k’u Rwanda bikazakwira ku isi.

TWARAKUBISWE ARIKO TWANGA KUMVA. Biba biteye agahinda iyo usuzumye amagambo n’ibitekerezo bya bamwe mu mpunzi, aho icyaduteye kugwiririrwa n’akaga ari cyo dutura Imana ngo ikifashishe idutabara. Hashize imyaka irenga 450 abanyarwanda bari mu kaga baterwa n’ivanguramoko, n’uturere, ari na byo byateye impfu zidashira zigejeje magingo aya. Imana rero yahisemo ubwoko bugomba kubabazwa birenze urugero, kugira ngo itwigishe ingaruka z’ivangura.

Bityo bose bazamenye izo ngaruka babyigishijwe na bwa bwoko bwababajwe cyane biturutse kuri iryo vangura. Ntabwo rero icyo cyago cy’ivangura ari cyo Imana izifashisha ngo itabare abantu, ahubwo izabatabarira kukirandura burundu. Byaba bibabaje rero hari abibwira ko Imana izakura umwanda mu Rwanda igasubizamo undi. Aho iyo uvuze umwanda babyumva nk’uko FPR ibyumva, bakumva ari abantu nk’uko FPR yumva ko umwanda ari Abahutu. Oya rwose umwanda ugomba kuva mu Rwanda ni umwanda w’ivanguramoko n’ivanguraturere kuko ari byo byarimbuye kandi bikaba na n’ubu bikirimbura abanyarwanda. Imana yatuzanye muri ubu butayu kugira ngo dukarabiremo uwo mwanda, nitumara kunoga tubaye beza, tujye gukarabya abandi nabo banoge, uwo ni wo mugambi w’Imana.

UYU MUNSI RERO, TUGOMBA KUREKA ABAFITE WA MWANDA BAKAWUGARAGAZA KUGIRA NGO TUBUHAGIRE. BABE BEZA, ARI NA YO MPAMVU MURI IYI MINSI IMANA IGENDA ISHYIRA AHAGARAGARA ABANDUJWE N’UWO MWANDA W’AMACAKUBIRI, ATARI UKUGIRA NGO TUBAHE AKATO, AHUBWO ARI UKUGIRA NGO TUBAKARABYE BACYE, KUKO IGIHE CYO GUTABARWA KIGEZE. Banyarwanda Banyarwandakazi mpunzi dusangiye gupfa no gukira, tugeze hafi y’inyanja tugomba gukarabiramo umwanda w’amacakubiri n’ivangura, ariko abaduhiga bashingiye kuri ayo macakubiri n’ivangura bo bagiye kurohama kuko bafite imitima yinangiye.

Buri wese rero n’atumbire ijuru maze twambuke inyanja idusukura, dukandagire muri gakondo dukeye ku mutima, tutarangwa n’ivangura ryo kurimbura abantu nka FPR. Turatashye rero, ariko ntabwo hatashye umukiga, ntihatashye umunyenduga, ntihatashye umuhutu, ntihatashye umututsi, ntihatashye umunyedini, ahubwo hatashye abuhagiwe mu nyanja ibabuza ivangura iryo ariryo ryose, kugira ngo tube akarorero k’amahanga. ICYATEYE IMANA KUDUHANA SI CYO KIZAYITERA KUDUHOZA AHUBWO DUKARABE TUNOGE ABANTU BABIBONE IMANA IBYEMEZE.

Bikorewe i Walikale kuwa 07 Mata 2015

(Sé)

BYIRINGIRO Victor

Jenerali Majoro

Perezida w’agateganyo wa FDLR

source: http://ikazeiwacu.fr/2015/04/09/fdlr-ubutumwa-bugenewe-impunzi-zabanyarwanda-bari-muri-rdc-no-mu-yandi-mahanga/

GAHUNDA Y'UBWUBAHANE NO GUSANGIRA IGIHUGU KU BANYARWANDA BOSE UTAROBANUYEMO KUBERA IBITEKEREZO N'IBINDI BIMURANGA

Umusogongero: Ubu butumwa bugenewe kuganirwaho n'abanyarwanda n'abatuye u Rwanda n'isi bifuza kubonera umuti ibibazo by'u Rwanda kuburyo hubakwa u Rwanda rwa bose rutagira uwo ruheza cyangwa ngo rumuryamire rumuhora ibiterezo bye bya politiki n'ibindi. Ibi bitekerezo ni umusaruro w'ubushakashatsi no gutekereza cyane igihe kirekire hashakishwa umuti watuma haboneka gahunda ishobora gufasha abanyarwanda guca burundu umwiryane, génocide, intambara, ubwicanyi n'ibindi bibi bisenya igihugu n'ubuzima biturutse ku gucuranwa ubutegetsi no guhezanya mubyiza by'igihugu.

Muri politiki nyarwanda haba imbere mugihugu no hanze muri opposition nyarwanda, hari imyumvire ikubiye mumirongo mikuru itatu. Iyo mirongo iyo ucukumbuye usanga hakubiyemo ibindi bintu byinshi by'ingeri zose ariko ntabwo bihindura imiterere yaya mirongo itatu y'ibitekezo biriho muri politiki kubireba gusangira ubutegetsi.

1.Politiki y'ibitekerezo byubakiye kumateka ya système y'ubutegetsi bwa FPR Hari abantu kugiti cyabo n'amashyaka n'amashyirahamwe bumvako système ya FPR (kubayihozemo no kubayikirimo ndetse n'abatarigeze bayikorera) bafite imibonere yo kumvako système ya FPR atari mbi ndetse bakumva yagumana ubutegetsi ahubwo bagakosora ibibi bagaya cyanngwa bagawa n'abandi. Bamwe muri abo bantu bumva ko ikibazo ari Kagame Paul muri FPR abandi bakumva ko Kagame Paul ntacyo abatwaye. Abo bantu bamwe muribo biyumva nk'ubutegetsi bw'abatutsi ndetse na bamwe mubandi banyarwanda bakabona koko ubutegetsi bwa FPR ariko buri. Njye ariko simbyemera gutyo kuko iyo ucukumbuye neza usanga iyo mibonere hari aho idahuza n'uko ibintu biteye.

2.Politiki y'ibitekerezo byubahikiye kumateka ya systeme y'ingoma ya MRND:

Hari abantu kugiti cyabo n'amashyaka n'amashyirahamwe bumvako ubutegetsi bwa Habyarimana Juvenal na MRND ye butari bubi ndetse bakumva ko iyo systeme y'ubutegetsi iramutse isubiranye ubutegetsi ntacyo byaba bitwaye. Abo bantu bavuga ko babusubiyeho bakosora ibibi n'amakosa yakozwe mbere. Aba bantu bamwe muribo babonako kandi na bamwe mubandi bantu babumva nk'abakiga bavuka Ruhengeri-Gisenyi. Kugiti cyanjye njye simbyemera gutyo kuko iyo ubisesenguye usanga atariko biri hari kubera ko usanga harimo n'abantu bavuka ahandi.

3.Politiki y'ibitekerezo byubakiye kugushaka gushyiraho système y'ubutegetsi bw'u Rwanda rushyashya rutagize aho ruhuriye na MRND na FPR. Usanga iyo système nshyashya yifuzwa yubakiye kuri ba victimes ba système ya FPR na système ya MRND biyongeraho abandi bantu batabaye victimes ariko badashaka kugarura ubutegetsi bw'izo systeme z'ingoma MRND na FPR.

Hari abantu kugiti cyabo n'amashyaka n'amashyirahamwe bashaka systeme nshyashya y'ubutegetsi yayobora u Rwanda itagize aho ihuriye na FPR cyangwa MRND. Abenshi muri abo bashaka système nshyashya ni ababaye victimes ba ziriya ngoma za MRND na FPR. Kuri abo hiyongeraho abantu batabaye victimes ba ziriya ngoma (baba bato cyangwa bakuru ) bumva bakeneye système y'ubutegetsi nshyashya itari imwe muri ziriya ebyiri. Abo batabaye victimes banabonekamo abantu usanga batarigeze bakorera ziriya systemes z'ubutegetsi, abandi ugasanga barazikoreye ariko kuri ubu bakaba bafite indi myumvire kubera impamvu runaka.

Abo bantu bashaka système nshyashya itari MRND na FPR bamwe rubanda ibona ko cyane cyane ari abo muturere tugize icyo bamwe bita Ndugangari, ni ukuvuga u Rwanda rwose uretse Ruhengeri-Gisenyi. Iyo mibonere ariko njye sinyemera gutyo kuko ntabwo usanga ihuje n'ukuri kuko abo bantu bashaka système y'ubutegetsi nshyashya ubasangamo amoko yose n'abantu bakomoka muturere twose tw'u Rwanda ndetse ukanabasangamo abanyarwanda bashakanye n'abanyamahanga etc. Abo bantu ubasangamo kandi abahoze muri ziriya systemes za MRND na FPR zavuzwe ariko bakaba batagihuje nazo imyumvire.

Iyi mibonere ya système eshatu ku banyarwanda usanga ishingiye kubitekerezo mbere na mbere aho gushingira kukarere n'ubwoko kuburyo abanyarwanda baramutse bahuriye hamwe nko muri leta y'inzibacyuho yubakiye kuri fondation y'ukuri nyakuri irimo abanyarwannda bose maze bagasangira ubutegetsi banganya amahirwe, ibyo bitekerezo byazageza aho biyoyoka noneho bose bagasigara biyumva nk'abanyarwanda badakeneye gushyira imbere ikindi kintu runaka cy'ubwoko cyangwa akarere n'ibindi. Ibi bikuta by'ibitekerezo ubisanga imbere mugihugu ndetse no hanze muri opposition kubatinyuka ukuri.

4.IBIGANIRO HAGATI Y'IYI MIRONGO ITATU Y'IBITEKEREZO HAGATI YAYO

Uramutse uhurije aba banyarwanda hamwe bari mubikuta bitatu by'ibitekerezo maze bakaganira, bamwe bakaganira mumurongo w'ibitekerezo barimo hanyuma ukongera ugahuriza hamwe ibyo bikuta by'ibitekerezo bikaganira bikemeranya no gusangira u Rwanda mumahoro nta n'umwe uhejwe cyangwa ngo aryamirwe, ntakabuza intambara mubana b'u Rwanda zacika burundu ndetse na demokarasi isesuye igashinga imizi. Ni ngombwa ariko ko iyo demokarasi ihera n'imbere hagati yabo mubafite ibyo bitekerezo.

Abantu kugiti cyabo, amashyaka n'amashyirahamwe ariho ndetse n'azavuka nagire ubutwari bwo kwerekana aho ahagaze muri iyi myumvire y'ibitekerezo kandi ashishikarire no kuganira hagati y'abahuje ibitekerezo ndetse bagire n'ubutwari bwo kuganira n'abo badahuje ibitekerezo kugirango hubakwe u Rwanda rushyashya rubereye abanyarwanda bose.

Nta munyarwanda ugomba kumva bimuteye imbogamizi kukuba afite ibitekerezo runaka kuko buri wese agomba kubahirwa ibitekerezo bye n'uko ari, iyo niyo demokarasi. Abashobora kwitwaza amateka adahwitse yakozwe n'ingoma runaka (bamwe bafiteho isano) kugirango bacecekeshe abandi, icyo kibazo cy'ibibi byakozwe mungeri zose kigomba guharirwa ubutabera hanyuma abadafite icyo bigaya bakubakana u Rwanda.

Kuri uru rwego kandi bamwe twise intumwa za rubanda zagombye kubaho ziri hejuru y'ibintu byose ndetse zikaba no hejuru y'ubutegetsi bwose muri sosiyete nyarwanda, zikabaho zariyemeje kwamagana ibibi no kumurikira abanyarwanda bose hamwe no gutuma babana neza, aha hantu ho kwamagana ikibi bagomba kuhagira uruhare rukomeye mugutuma abagize nabi mumateka y'u Rwanda guhera kera kugeza ubu batiyitiranya n'abatagira ibyo bigaya. Hagomba gukoreshwa uburyo bwose abakoze ibibi mumateka y'u Rwanda babihanirwa hanyuma abatagira icyo bigayaho mumateka y'u Rwanda nabo bakubakana igihugu. Uwahaniwe ibibi bye nawe igihe arangije ibihano bye cyangwa asubiye munzira nziza agomba gufatanya n'abandi kubaka igihugu.

5.INZIBACYUHO YAHURIRAMO BIRIYA BIKUTA BITATU BY'IMYUMVIRE

Igihe abanyarwanda bashyizeho leta y'inzibacyuho irimo abanyarwanda b'uturere twose n'amoko yose n'indi myumvire yose byaba bibaye fondation nziza mukubaka u Rwanda ruzabaho igihe cyose kuko mugusohoka muri iyo nziba cyuho noneho utsinze amatora agatekana ariko ya nzibacyuho igizwe na bose ikaba yaramaze gushyiraho ibyatuma byose habaho ubutegetsi bwabasubiza mu icuraburindi cyangwa bugaheza igice kimwe cy'abanyarwanda.

NB: Ubu butumwa bugenewe kuganirwaho n'abanyarwanda baba abo mugihugu no hanze hamwe n'abatuye isi bose bifuza kubonera umuti ibibazo by'u Rwanda. Ariko igihe runaka yifashishije ubu butumwa ningombwa ko yabugumisha mumyumvikanire yabwo kuko ushobora gukuramo interuro imwe ukayikoresha mubundi buryo ugasanga ntibikivuga rumwe n'imyumvire iri muri iyi nyandiko.

Abantu kugiti cyabo, amashyaka n'amashyirahamwe abishoboye azavuge icyo abitekerezaho. Abamurikira rubanda barimo abanyamakuru n'abandi bose namwe urubuga ni urwanyu. Abakora amanama cyangwa za conférences n'ibindi bituma abantu baganira kumateka yabo n'imitegekere y'igihugu cyabo namwe ni karibu. Uzajya ashobora ajye antumira tuganire hirya no hino nanjye nzajya mbatumira. Ababishoboye mwese muhaguruke dusure abanyarwanda tuganire kuri ibi bitekerezo kuko u Rwanda rukeneye kuba u Rwanda rushyashya rwa bose ruzabaho ibihe byose rubereye bose.

Ubu butumwa bwohererejwe amashyaka yose ari mu Rwanda n'abantu kugiti cyabo na société civile. Ubu bubumwa kandi bwohererejwe abantu bari muri opposition na société civile iri muri diaspora hirya no hino ku isi. Iyi nyandiko itangajwe murwego rwo kubaka u Rwanda rushyashya rwa bose rutabuzemo umuntu n'umwe azizwa ibitekerezo bye, akarere, ibyo bita ubwoko n'ibindi.

Nta munyapolitiki cyangwa undi munyarwanda wagombye kuryama ngo asinzire igihe hari umunyarwanda utamerewe neza n'ubutegetsi buba buyoboye igihugu.

Bitangarijwe i Bruxelles tariki ya 03/02/2015

Rutayisire Boniface, Perezida w'Ishyaka Banyarwanda akaba na President w'association y'abavictimes Hutus Tutsis n'abandi TUBEHO TWESE na CIVHEMG Yahose kandi ari Chef de service Generaux et contentieux muri Sulfo Rwanda Industries.Yanabaye Directeur General w’isosiyete yigenga i Kigali Editions Centrales SARL akaba yari n’umwe muri ba Administrateurs sages watowe n’Abanyamakuru ba leta n’abigenga ba Press House mu Rwanda (Maison de presse du Rwanda) mumwaka wa 2000.

Mugutora abagize iyi nteko ya conseil de surveillance bise inteko y'inyangamugayo, abatora basabye abagomba gutorwa ko basohoka hanze bakamara iminota mirongo itatu kugirango higwe niba hari ufite inenge n'ibibi akekwaho byatuma adatorwa, hanyuma mugutora, Rutayisire Boniface atorwa ari uwambere kuri iyo liste arusha amajwi uwari umukuru w'Imvaho Nshya ya leta, n'uwahoze ari umunyamakuru w'ikinyamakuru kigenga cya opposition n'abandi bakandida. Tel : +32488250305 (Belgium), Email: b2003n@yahoo.fr (yahoo.fr)

Rutayisire Boniface

''Uko yiregura; “Muri 94, mu bihe bitari byiza; Pasitoro Uwinkindi yahaze amagara ye yakira Abatutsi bamuhungiyeho”;

“Uwinkindi ntiyari kwakira Abatutsi bamuhungiyeho iyaba azi umugambi wo kubarimbura”;

“ Ngo ubushinjacyaha ntibukwiye kuvuga ko kuba Uwinkindi ataragize icyo akora ngo ahagarike ubwicanyi ari icyaha kuko ntawusabwa kuba intwari”;

“ Uwinkindi aregwa icyaha cy’ITSEMBATSEMBA kandi kitaba mu mategeko y’u Rwanda”.

Izi ni ingingo zagarutsweho na Me. Gatera Gashabana mu iburansiha ryo kuri uyu wa 18 Ukuboza, mu rubanza Urukiko rukuru ruburanishamo Ubushinjacyaha na Uwinkindi Jean ukurikiranyweho kugira uru hare muri Jenoside yakorewe Abatutsi mu cyahoze ari Komini Kanzenze.''

Jean Uwinkindi, 61, yoherejwe mu Rwanda avanywe mu Rukiko rwa Arusha muri Tanzania. Ashinjwa kuba ariwe wategetse ko hicwa ibihumbi by’Abatutsi bari bahungiye ku rusengero rwe rwa Kayenzi ndetse n’abari bahungiye mu zindi nsengero za Byimana, Rwankeri na Cyaguro. Uwinkindi, yafatiwe i Mbarara muri Uganda tariki 30/06/ 2010,avuye muri Congo Kinshasa yiyoberanyije ku mazina ya Jean Inshuti, ari kugerageza kugura ubutaka ngo ature aho Mbarara. Yahise ashyikirizwa urukiko rwa Arusha tariki 02/07/ 2010.

Kuri uyu wa kane tariki 18 Ukuboza 2014, agaragaza zimwe mu ngingo zikubiye mu myanzuro inenga ibisobanuro ku byatanzwe n’Ubushinjacyaha ku bwiregure bwa Pasitoro Uwinkindi; Me. Gatera Gashabana wunganira uregwa yasabye urukiko kutazabara icyaha cy’Itsembatsemba kiri mu kirego cy’umukiriya we kuko kidateganywa n’mategeko y’u Rwanda. Yifashishije amateka y’amategeko y’u Rwanda by’umwihariko itegekonshinga; Me. Gatera yagaragaje ko iki cyaha cy’Itsembatsemba ntaho giteganywa ndetse asaba n’Urukiko kuzabisuzumana ubushishozi rukaba rutakibara mu kirego cy’umukiriya we.

Yagize ati “muzashishoze muzasanga icyaha cy’Itsembatsemba nta na hamwe giteganywa mu mategeko y’u Rwanda, bizaba ngombwa ko mutazacyakira mu kirego cy’Ubushinjacyaha.” Yavuze kandi ko kuba iki cyaha cyaragendeweho n’umucamanza wa mbere ndetse n’Abatangabuhamya b’Ubushinjacyaha bakagishinja umukiriya we ariko Ubushinjacyaha bukaza kugihindurira inyito dore ko ngo bwakise icyaha cyo kurimbura no kwibasira inyokomuntu bikwiye gufatwa nko kuzana icyaha gishya bikaba byagaragaza ko ikirego gikoze nabi bityo asaba Urukiko kugitesha agaciro.

Yagize ati “ kuba icyaha cy’Itsembatsemba kitari mu mategeko y’u Rwanda, Ubushinjacyaha bukanongeraho kugihindurira inyito bitanumvikanyweho mu buryo bw’amategeko bigaragaza ko ikirego gikoze nabi ku buryo gikwiye guteshwa agaciro”. Agaragaza izindi mpamvu zatuma iki kirego giteshwa agaciro yavuze ko abatangabuhamya b’Ubushinjacyaha bagiye bivuguruza, bavuguruzanya ndetse bakanavuguruza n’Ubushinjacyaha. Yakomeje avuga ko mu kirego gishinja umukiriya we huzuyemo gukeka no gushidikanya mu gihe inkiko Mpuzamahanga zirimo n’urwohereje umukiriya we zitajya ziburanisha imanza zirimo ibi (Gukeka no gushidikanya).

Ati “Ubushinjacyaha nta bimenyetso bifatika bwatanze, usanga mu kirego cyabwo huzuyemo gukeka no gushidikanya kandi inkiko mpuzamahanga zirimo n’urwohereje Uwinkindi ntizijya ziburanisha imanza zitatanzwemo ibimenyetso simusiga”. Agaragaza ko nta bimenyetso bifatika byatanzwe n’Ubushinjacyaha; Me. Gatera yavuze ko ntakigaragaza ko umukiriya we yitabiriye inama zateguraga ubwicanyi agira ati “ nta nyandiko n’imwe y’izo nama, nta n’amajwi ye”.

Naho ku kuba yari azi umugambi wo kurimbura Abatutsi, Me. Gatera yavuze ko nabyo nta kimenyetso ubushinjacyaha bwatanze, agira ati “ ntibugaragaza uwari warabwiye Uwinkindi uwo mugambi, nta n’ikindi kimenyeto icyo aricyo cyose kibigaragaza”. Akomeza agaragaza ko umukiriya we ari umwere, Me. Gatera yavuze ko mu kirego cye (Uwinkindi) Ubushinjacyaha bwagiye bumurega gukorana ibyaha n’abantu batazwi ndetse batanabayeho.

Aha yagaragaje ko hari aho mu kirego Ubushinjacyaha buvuga ko yakoranye ubwicanyi n’uwitwaga Bizimana wari umuyobozi w’amashuri abanza ya Nyamata kandi ngo abana ba Uwinkindi bose ariho bigaga ariko ngo batigeze bayoborwa n’umuntu witwa gutya. Na none kandi ngo hari aho Ubushinjacyaha bwagaragaje ko uregwa yakoranaga n’abajandarume babiri mu gucura umugambi wo kwica Abatutsi kandi ngo byari bizwi ko mu cyahoze ari komini Kanzenze nta bajandarume bahabaga mbere ya jenoside.

Kimwe n’abapolisi batatu batavuzwe amazina nabo bakoranaga n’uregwa mu bwicanyi, Me. Gatera yavuze ko ibi bigaragaza ko Ubushinjacyaha bubeshya kandi bushidikanya mu gihe gushidikanya kose birengera uwo bikorewe nk’uko bigenwa n’itegeko. Uyu mwunganizi yavuze kandi ko uretse kuba bigaragara ko umukiriya we arengana mu buzima bwe bwose yararanzwe n’ineza kandi atavangura bikanakubitiraho kuba yarakiriye Abatutsi bamuhungiyeho mu 1994 agakora ibishoboka byose ngo hatagira uwicwa.

Yakomeje avuga ko kuba ntacyo yakoze ngo ahagarike ubwicanyi bitari bikwiye kuba icyaha kuko ibyo yari ashoboye yabikoze kandi ko nta n’umuntu uhatirwa kuba intwari. Aha yagize ati ” ntabwo Ubushinjacyaha bukwiye guca inyuma ngo buvuge ko icyo atakoze ari icyaha kuko ntawusabwa kuba intwari”.

Iburanisha ryimuriwe tariki 30 Ukuboza humvwa ibisobanuro bisigaye hagahita hatangira ikindi cyiciro gishya cyo kumva Abatangabuhamya b’Ubushinjacyaha. Martin NIYONKURU UMUSEKE.RW