KIVU

Nk’uko twabibasezeranije mu nkuru zacu ziheruka, urubuga rwanyu HYPERLINK "http://www.kivu.fr" rukomeje kubabera ijisho ribarebera aho benshi mutagera kandi rikabereka na mwe mpirimbanyi muri imbere ku rugamba aho mukwiye gushishoza kurushaho, hato tutazibuka ibitereko twasheshe. Uyu munsi nabwo twifuje gukomeza kuburira abo mu mpuzamashyaka ya MRCD. Impamvu ntayindi ni uko intarumikwa za FLN (tuzifatiye iry’iburyo kandi) zikomeje kuba umuzigo ukomeye kuri FPR-KAGAME bityo nabo bakaba bataryama kugera ubwo bazagera ku mugambi wo kuzisenya binyuze mu nzira izo ari zo zose.

Tutabatindiye rero basomyi bacu, muribukako ubushize twabagejeho imikorere ya Dr Biruka Innocent mu mugambi wo gusenya opposition nyarwanda. Nyuma y’aho Kigali imenyeye ko imikorere yayo n’uyu mugabo nta musaruro ufatika byatanze, inzego z’ubutasi za leta y'u Rwanda zamusabye kuva mu itangazamakuru nk’uko yari asanzwe amenyerewe mu kwandika cyane cyane yifashishije imbuga nkoranyambaga (ajijisha ko yanga FPR nk’uko bimeneyerewe kuri benshi). Iki cyemezo cyafashwe kugirango abantu badakomeza gukurikirana uko bari kumunga opposition, niyo mpamvu twifuje kubigarukaho kugirango ubu butegetsi bw’igitugu bumenyeko amanyanga yabwo yose yavumbuwe.

Amakuru ikinyamakuru cyanyu cyabashije kubona adashidikanywaho nuko Dr Biruka ubu mumikorere mishya yasabwe kutigaragaza akajya akorera inyuma y’abandi bantu, ariko nabo bakaba batoranijwe na Danny Munyuza cyangwa se Biruka ubwe akavuga abo atekereza yakoresha noneho Munyuza akabemeza. Twababwirako impamvu Danny Munyuza ari we uha amabwiriza Biruka ari uko ari we ushinzwe ikibazo cy’u Burundi mu nzego z’ubutasi z'u Rwanda. Aha murumva impamvu bifuza kujijisha ko FLN haraho ihuriye n'igihugu cy’u Burundi. Nibiba ngombwa tuzabigarukaho igihe tuzaba tumaze gusesengura neza niba nta ngaruka mbi inkuru yacu yagira kuri aba basore n'inkumi bashinze ibirindiro muri Nyungwe.

Tugarutse ku nkuru yacu nyirizina rero ubu mu bantu Dr Biruka ari gukoreramo bya hafi, harimo uwitwa Madame Chantal Mutega Alias Mukamana (Impamvu yaka kazina nayo tuzayigarukaho igihe twasanga ntacyo byabangamira ku rugamba rw'impinduramatwara abanyarwanda barimo). Uyu Madame Chantal Mutega akaba akoreshwa bya hafi na Dr Biruka Innocent mu bikorwa bitandukanye harimo no gushaka ibimenyetso byazatuma Kigali ihamya Leta y'u Burundi icyaha cyo gufasha abarwanya ubutegetsi bwa FPR-KAGAME. Nkaba nsaba abakorana nawe kugira ubushishozi buhagije ejo batazagwa mu ruzi barwita ikiziba. Ngira ngo mwabonye ko mu butumwa bwo gutanga umutwe wa MRCD ku mbehe byarangiye CNRD ivuye muri iyo mpuzamashyaka.

Turakomeza rero gusaba MRCD kuba maso kuko umwanzi ntahuga cyane ko agomba gukora ibishoboka byose umuriro ukagumya kwaka muri opposition. Abakunze gukurikira ibiganiro uyu mudamu ayobora kuri Radio Ubwiyunge muzumva uko abaza ibibazo asesereza, yifuzako abatumirwa bakoresha imvugo zicanishamo abantu. Urugero rwa vuba ni ikiganiro aherutse kugirana na Nyakubahwa General Jeva aho yavugaga ku kiganiro mbwirwaruhame giherutse gukoreshwa na MRCD. Amakuru twabonye ni uko hari bamwe muri CNRD bifuzagako ibiganiro bya politike byajya bisubizwa n'abanyapolitike b’ abasivile ariko Mutega yarabyanze . Ibi akaba atarabikoze kubera urukundo cyangwa ubundi bushishozi ahubwo ari ukugirango bagumye guha CNRD isura y'uko ari ishyaka rya Gisirikare kandi ririmo abasirikare badakozwa imikoranire n'abanyapolitike.

Abatazi uyu Chantal Mutega twababwirako nyuma yo kuba mu ishyaka rya FPR yaje kujya mu ishyaka ishema rya Padiri Nahimana Thomas aho yanabaye MINISITIRI muri ya Gouvernement ikorera mu buhungiro. Chantal Mutega alias Mukamana yaje kuvamo ku mpamvu zidasobanutse ajya muri RRM aho yavuye yirukanwe burundu, ubu akaba abarizwa muri CNRD Ubwiyunge. Uku kuzenguruka mu mashyaka kandi akaba abihuje na Dr Biruka nk’ uko twabibabwiye mu nkuru yacu y’ ubushize. Lisite y’ abantu bazenguruka mu mashyaka batagira aho bamara kabiri ni ndende, kandi bose iyo ukurikiye baba bakorana, ibiyabakuramo nubwo biba bizwi cyane na bene byo ariko twe tubona ko bagenda bavumburwa nyuma y'uko baba bafite missions za Kigali.

Ni gute wazenguruka amashyaka yose nta nyungu ubifitemo? Uramutse ubuze aho wanyuza ibitekerezo byawe kuki utashinga iryawe aho kugira ngo ujye gutobera abandi? Ni byinshi twamuvugaho ariko reka duhinire aha gusa dusaba opposition nyarwanda kubamaso bakirinda kuba bagwa mu mitego ya FPR. Turasaba cyane abanyamashyaka kwitondera ababarimo baba bameze nka ba bandi barwubatse ku mutwe. Bafite missions nyinshi, MRCD na CNRD mumenye ko mwinjiwe, Dr Biruka afitanye amayeri menshi na FPR mukumunga opposition. Ikintu cyica opposition cyane ni uko batabanza gushungura bihagije abayoboke baza babagana. Twibwirako iyo baza kumenya mbere y’igihe ko umugore wa Dr Biruka n’abana be bigaramiye mu rwa Gasabo nta nkomyi batari kumwibeshyaho.

BIRACYAZA

Urugamba rw'impinduramatwara mu Rwanda rugeze mumahina ariko abantu bagomba gukanura cyaneeee Kagame na Munyuza nabo ntibasinziriye !__ __'' Taliki 27/06/2020 RDF yavuzeko hari abasore bayikubise ikinyafu iyo za Nyaruguru yongeraho bwabushotoranyi bwayo bwo kuvako abayikubise baturutse i Burundi nyuma bakongera bagahungirayo. Biratangaje kumva abarundi bari biriwe bashyingura Nyiricyubahiro umuhisi Président Nkurunziza (RIP ) baregwa kujya gutera u Rwanda n’igitaka cyo ku mva yuwo bakundaga kitar cyika (effondrer), ibirero sigitangaza kuko Kagame amaze iminsi ashaka impamvu yatera uBurundi igitangaza nukubona harabantu bomuri opposition bahita bashimangira icyo kinyoma cyoguha icyuho Kagame mu guhungabanya u Burundi.

Amasaha make nyuma y'itangazo rya Kigali nabonye ubutumwa mbwohererejwe n’ inshuti yanjye aho Dr Innocent Biruka, umunyamabanga mukuru wa CNRD yavugagako ari FLN zateye i Nyaruguru nkuko mububona kwifoto, nk’umuntu uri mu buyobozi bukuru bwa CNRD nabonyeko byaba arukumubeshyera atakwirakwiza ubutumwa nkubwo budasobanutse ahubwo bushobora gushimangira ibinyoma bya Kigali ko abateye bavuye mugihugu cyuburundi cyaneko na Leta y'u Burundi mwitangazo ryayo ibihakana, ibi byatumye nshaka kumenya niba numero yakwirakwije ubwo butumwa ari iya Dr Biruka koko nkuko hariho nifoto ye ariko nkumva wenda aruwamwiyitiriye kuko numvaga umuntu wumu Dr atahubuka gutyo ariko natangajwe nogusanga ariwe koko ndetse akaba yari yabuhaye abantu benshi batandukanye.

Ibi byatumye nshaka kumenya uyu Biruka uwariwe ntangazwa nogusanga ariwe pfundo ryubwumvikane buke tumaze iminsi twumva muri MRCD aho ishyaka rya CNRD ubu rimaze gutangaza ko ryavuye kumugaragaro mwiyo mpuzamashyaka mwijwi rya General Hamada mukiganiro yakoze kuri Radio ya CNRD.

Uyu Biruka amakuru nagezeho nasanze aringombwa ko abantu bamumenya bityo na CNRD arimo ikitonda kuko ashobora kuba arigatumwa nayo ejo tukazumva yayishwanyaguje :

1.Biruka yaje muri CNRD amaze kwirukanwa muri FDU aho yashinjwaga akajagari noguteza umwuka mubi mwishyaka bakaba batarashyiraga amakenga uwo akorera kuko ngo hari ibimenyetso byinshi byatumaga bamukeka ko akorera FPR mugusenya opposition

2.Biruka muri MRCD yagiye atambamira imikorere ya organisation kugera nubwo yagiye asohora amatangazo agakora nibikorwa agambiriye kuburizamo ko ubuyobozi bwa MRCD bwavugana n'itangazamakuru mpuzamahanga ngo burisobanurire I byubwicanyi ingabo za RDF zabaga ziri gukorera muri Congo

Nibyinshi wenda tuzabigarukaho nibiba ngombwa gusa harageze ko opposition yijonjoramo ibihato Kalinga igenda iyitega

Twese hamwe tuzatsinda

Karinganire Aimé /Uvira

Banyarwanda Banyarwandakazi dusangiye gupfa no gukira hano mu mashyamba ya Repuburika Iharanira Demokarasi ya Kongo n’abandi, hashize igihe kirekire turi mu kababaro gakomeye kiganjemo urupfu rwa buri gihe, twicwa tuzira ubusa kandi bikagaragara ko bishyigikiwe na benshi kuri iyi si.

Guhera taliki ya 01/10/1990 kugeza magingo aya, twebwe impunzi z’abanyarwanda twateshejwe agaciro, by’umwihariko impunzi z’Abahutu, kuko ari zo zatereranywe ku isi imyaka ingana itya. Uyu munsi bikaba bitari kuri twebwe impunzi gusa, ahubwo Umuhutu yarahagurukiwe haba mu mahanga yahungiyemo, ndetse no mu gihugu cy’u Rwanda abarimo bateshejwe agaciro ku buryo bubonwa na bose. Nubwo bamwe babibona nk’igikorwa cyiza Leta ya FPR ikora.

Hashingiwe ku binyoma bikomeye bya FPR, buri wese aho ari nta byiringiro abona byo gutabarwa, kwaba gutabarwa n’Imana cyangwa n’abantu, kuko ikinyoma cya FPR cyabaye intwaro ikomeye yo kurimbura abanyarwanda, cyane cyane hibasiwe Abahutu. Iyo tuvuga ijambo ubwoko bw’Abahutu ntituba dushaka kuzana ivangura, ahubwo ivangura rya Leta ya FPR ni ryo ridutera kuvuga Abahutu n’akarengane kabo mu Rwanda no mu mahanga bahungiyemo.

Iri vangura rya FPR rero ni igikorwa kibi cya kirimbuzi cyo kumaraho Abahutu hakoreshejwe ubuhanga bw’ivanga rigamije ivangura. Iri jambo IVANGA RIGAMIJE IVANGURA rishaka kuvuga iki? Muri iki gihe mu Rwanda hadutse gahunda ya « Ndi Umunyarwanda » aho bavuga kenshi ko mu Rwanda nta moko abamo, ko bose ari Abanyarwanda: iryo ni IVANGA rya mbere. Mu Rwanda, nyuma y’uko indege ya Perezida HABYARIMANA ihanurwa FPR yabonye uburyo buyoroheye bwo kurimbura Abahutu, yitwaza ko iri guhagarika Jenoside, inabona n’uburyo bwo guhisha ibyaha byakozwe mu ntambara yatangiye taliki ya 01/10/1990.

Abantu rero bishwe kuva kuri iyo tariki, FPR yabonye uburyo bwo kubakusanya (amagufa yabo), igamije kwikuraho icyo kirego. Bose ibakusanyiriza mu nzibutso ibita Abatutsi bishwe muri Jenoside. Uyu munsi rero FPR yicaye izi neza ko ikirego cy’ubwicanyi yakoreye Abahutu cyarangiye, kuko amagufa yabo yamaze kwitwa ay’Abatutsi iryo na ryo ni IVANGA rya kabiri. Ikibabaje si ukuvanga ubwoko bw’abantu ukabagira bamwe, ikibabaje si ugufata amagufa y’abantu ukayita ay’ubwoko bumwe, ahubwo igiteye agahinda ni ugukora iryo vanga ugamije kuvangura ba bantu ngo ubone uko wibasira bamwe, ubafunga, ubakoresha uburetwa, ubica uko ushatse kugeza ubwo usaba n’inkunga yo kugufasha kubarimbura ntibigire uwo bibabaza.

Banyarwanda banyarwandakazi, mpunzi zose dusangiye gupfa no gukira, uyu munsi turi mu kaga duterwa n’iryo vanga rigamije ivangura rya FPR, kuko icyo tuzira ni umujinya uturuka ku magufa y’abacu bishwe guhera kuwa 01/10/1990. Abo twakagombye kubiziza, ari na bo bateje intambara y’amasasu mu banyarwanda, n’ubwicanyi bugikomereje kuri twe kugeza ubu, ni bo ahubwo batuziza abacu biyiciye bakoresheje rya vanga rigamije ivangura bazanye mu Rwanda.

Ibyo byago byose byatugwiririye, benshi babibona nk’ibitazarangira, ndetse bakabona n’Imana ubwayo itashobora kubituvanamo. Kubw’ibyo, buri wese yamara kwiheba, agakora ibimujemo kugera ubwo bamwe bakora n’ibirushaho kubagira ho ingaruka ubwabo cyangwa kuri bagenzi babo, ari byo: ubusinzi bukabije, kutagira impuhwe, kubura urukundo, kugambanirana, kwishyira mu maboko y’ushaka kukurimbura, kwiyanga, gupfana nabi bagenzi bawe, kurema ibice mu bo mubana, agahinda gahoraho, umushiha, gushimishwa no kurya no kunywa gusa, kwanga amasengesho n’abayakora, kutisukura, kwigunga, kwiheza, n’ibindi…. Ibyo byose bikaba ari ingaruka z’ibikomere biterwa n’ibyadukorewe isi yose irebera, na n’ubu bikaba bikidukurikiranye, ndetse ukwicwa no kurimburwa kwacu bigafatwa nk’igikorwa gitagatifu kuri benshi batadushaka.

IBYO BYOSE TWABONYE, DUKWIRIYE KUBYIFATAMO DUTE? IGISUBIZO NI: « UKUBYEMERA TUTABYEMEYE » Iri ni ijambo rigomba gusobanuka neza kugira ngo buri wese arigendere ho azi icyo rishaka kuvuga. Kuvuga ijambo, kubyemera tutabyemeye, bishatse kuvuga iki? Iyo ukurikiranye amateka y’ibyanditswe muri Bibiriya (Ijambo ry’Imana), usanga hari n’abandi bantu babayeho mu buzima bw’akaga nk’ako turimo muri ibi bihe, aho usanga ubwoko bw’Abayisiraheri bwaragiye bubabazwa, kandi uko kubabazwa kukagaragara nk’uko batejwe n’Imana, Nyamara wareba neza ugasanga ibyo bakorewe byarakorwaga n’abanzi babo (Abantu).

IMANA YABAHANISHAGA ABANTU NKA BO IKABAREKERA MU BYAGO NGO BABONE UKO BAYIMENYA ARIKO IKANAKORESHA ABANTU B’IBINDI BIHUGU CYANGWA UBUNDI BWOKO. Na none kandi iyo ukurikiranye ayo mateka, usanga intangiriro yo gukira ako kaga barimo, ari kwemera ko ibyago barimo babitejwe n’Imana. Iyo ikaba intambwe ya mbere yitwa kwemera ibyago urimo. Iyo ntambwe ya mbere Abayisiraheri bamaraga kuyitera, bagatangira guhindura imyumvire y’ububabare bafite baterwa n’abandi bantu, ahubwo bakababazwa n’icyatumye bagubwaho n’akaga barimo.

Bityo aho kugira ngo buri wese apfane nabi mugenzi we, cyangwa ngo yitakane abanzi, ahubwo buri wese yiciraga urubanza agira ati: « Ibi byari bikwiye kumbaho kubw’ububi bwanjye ». Ibyo ntibyabateraga kunyurwa n’akaga barimo ngo bakagire twibanire, ahubwo batangiraga intambwe ya kabiri yo kwanga ubwo bubabare, ari byo byitwa ukutemera. Bagatangira kurwana ariko bihereyeho. Buri wese akirwanya ku bubi bwe. Yamara kwitsinda agatangira urugamba rwo kwibohora, arwanya ababashikamiye, ariko anizeye ko nyuma yo kugarukira Imana, agiye kurwana ari mu ruhande rwa yo, na yo iri mu ruhande rwe.

Nguko uko Abayisirayeli bashoboraga kuva mu kaga bashyizwemo n’abanzi babo biturutse ku Mana: ibyo rero ni byo byiswe « Ukwemera utemeye ». NATWE IMPUNZI ZATERERANYWE DUTANGIRE URWO RUGENDO TWUMVA KO ATARI AMAHANGA YADUTERERANYE, AHUBWO KO ARI IMANA YADUTERERANYE KU BW’IBYAHA BYACU, TUREKE KUBONA TWARATERERANYWE N’AMAHANGA, AHUBWO TWUMVE KO ARI IMANA YADUHAGURUKIYE IKORESHEJE ABANTU YIREMEYE.

Hari benshi batumva neza ko ari gahunda y’Imana, bagashakira mu bwenge bw’iyi si bupfuye, igisubizo cy’ibibazo impunzi zifite ariko ntibishoboke. Niba tutarabona ko aka kaga turimo gaturuka ku Mana, turacyafite igihe dutegereje ko ijambo »kwemera tutemeye » rituzamo tukabona gutabarwa. Imana ikeneye ko twemera ikatugenga uko ishaka, ikatujyana aho ishaka n’uko ishaka, n’igihe ishakiye. Ariko benshi ntibabikozwa, aho bamwe bifuza kwereka Imana uburyo n’inzira ikwiye kunyuramo kugira ngo idutabare. Iyo myumvire ikaba igaragara mu bantu basenga n’abadasenga.

IKIBABAJE CYANE ARIKO NI UKO DUSHAKA KO IMANA IDUTABARA YIFASHISHIJE IBYAYITEYE KUTURAKARIRA. NDETSE TUKUMVA KO TUZATABARWA HIFASHISHIJWE INZIRA YADUTEYE GUSENYUKA, ARI NA YO IDUKURURIRA UMUJINYA W’IMANA. Iyo Imana idusaba kwemera kuba uko ishaka, benshi turabyanga tukabyamaganira kure.

ARIKO SE NTABWO BISHOBOKA KO TWABA UKO IMANA ISHAKA? Uyu munsi, twebwe impunzi z’abanyarwanda, muri rusange twabaye nka wa mugenzi uba wicaye mu modoka atari we uyitwaye, maze imodoka yahengama akayifata agakurura ngo itagwa kandi ayicayemo. Ese birashoboka? Hashize imyaka 25 impunzi turi mu kaga gakomeye cyane ko kwicwa umunsi ku wundi, inzara, kwambara ubusa, kurwara ntituvurwe, kutiga, kudashyingura abishwe, n’ibindi….

Ibyo byose ni agahinda gakomeye katugwiririye. Ariko iyo Imana itubwiye ngo twemere tube uko ishaka, twumva tutabishobora kandi n’ubundi turi uko ishaka. Ikibura ni ukubyemera gusa. Ese ubu buzima ni bwo twashakaga kubona? Turi gusabwa kwemera ko ubu turi uko Imana ishaka gusa, maze igahera kuri uko kwemera abo turi bo, noneho ikadushyira aho ishaka ko tuba, NIBA UYU MUNSI TUTAREMERA KO TURI UKO IMANA ISHAKA NI IKIBAZO KUKO NIBA TUTABONA KO TURI MU KAGA TWASHYIZWEMO NA YO BIHITA BYEREKANA KO TUTAZANEMERA KO ARI YO IZABA IDUSHYIZE MU MAHORO. BITYO TUKABA TUKIRI KURE Y’IBISUBIZO.

Ntabwo Kuvuga ko tukiri kure y’ibisubizo ari uguca intege, ahubwo byaba ari ubugome wijeje abantu bakiri inyuma y’umusozi ko bagiye kuwumanuka kandi bataranatangira kuwurira. Urugero: uyu munsi hari abantu badakeneye kumva n’aho bavuga Imana kandi bicaye neza muri ka kaga twahoze tuvuga. Hari n’abibwira ko basenga Imana ariko bayisengera mu buyobe bwo kwibwira ibinyuranye n’ibyo Imana ishaka kudusubirizamo; bityo bakagaragara nk’abasaba ibyo batazi:

   Abo ni abakibona mu idini bakabona Imana izabasubiriza idini barimo.
   Abandi ni abibwira ko Imana izabakiza kuko ari abo mu bwoko runaka;
   Hari n’ababona aka kaga kagwiriye abanyarwanda ari ukugira ngo babone ubutegetsi;
   Abandi bakabonera ugutabara kw’Imana mu turere bahoze batuyemo. Abo mu Majyaruguru (Abakiga) bitana bamwana n’abo mu Majyepho (Abanyenduga), ab’i Burasirazuba bakitana bamwana n’ab’i Burengerazuba, buri wese yibwira ati: « Ese si twe buriya Imana igiye guha ubutegetsi! »

Aha turasabwa kwitonda cyane kuko Imana itaje gutanga ubutegetsi, ahubwo ije guha ikuzo Umwana wayo Yezu Krisitu ibinyujije mu gahugu gatoya k’u Rwanda bikazakwira ku isi.

TWARAKUBISWE ARIKO TWANGA KUMVA. Biba biteye agahinda iyo usuzumye amagambo n’ibitekerezo bya bamwe mu mpunzi, aho icyaduteye kugwiririrwa n’akaga ari cyo dutura Imana ngo ikifashishe idutabara. Hashize imyaka irenga 450 abanyarwanda bari mu kaga baterwa n’ivanguramoko, n’uturere, ari na byo byateye impfu zidashira zigejeje magingo aya. Imana rero yahisemo ubwoko bugomba kubabazwa birenze urugero, kugira ngo itwigishe ingaruka z’ivangura.

Bityo bose bazamenye izo ngaruka babyigishijwe na bwa bwoko bwababajwe cyane biturutse kuri iryo vangura. Ntabwo rero icyo cyago cy’ivangura ari cyo Imana izifashisha ngo itabare abantu, ahubwo izabatabarira kukirandura burundu. Byaba bibabaje rero hari abibwira ko Imana izakura umwanda mu Rwanda igasubizamo undi. Aho iyo uvuze umwanda babyumva nk’uko FPR ibyumva, bakumva ari abantu nk’uko FPR yumva ko umwanda ari Abahutu. Oya rwose umwanda ugomba kuva mu Rwanda ni umwanda w’ivanguramoko n’ivanguraturere kuko ari byo byarimbuye kandi bikaba na n’ubu bikirimbura abanyarwanda. Imana yatuzanye muri ubu butayu kugira ngo dukarabiremo uwo mwanda, nitumara kunoga tubaye beza, tujye gukarabya abandi nabo banoge, uwo ni wo mugambi w’Imana.

UYU MUNSI RERO, TUGOMBA KUREKA ABAFITE WA MWANDA BAKAWUGARAGAZA KUGIRA NGO TUBUHAGIRE. BABE BEZA, ARI NA YO MPAMVU MURI IYI MINSI IMANA IGENDA ISHYIRA AHAGARAGARA ABANDUJWE N’UWO MWANDA W’AMACAKUBIRI, ATARI UKUGIRA NGO TUBAHE AKATO, AHUBWO ARI UKUGIRA NGO TUBAKARABYE BACYE, KUKO IGIHE CYO GUTABARWA KIGEZE. Banyarwanda Banyarwandakazi mpunzi dusangiye gupfa no gukira, tugeze hafi y’inyanja tugomba gukarabiramo umwanda w’amacakubiri n’ivangura, ariko abaduhiga bashingiye kuri ayo macakubiri n’ivangura bo bagiye kurohama kuko bafite imitima yinangiye.

Buri wese rero n’atumbire ijuru maze twambuke inyanja idusukura, dukandagire muri gakondo dukeye ku mutima, tutarangwa n’ivangura ryo kurimbura abantu nka FPR. Turatashye rero, ariko ntabwo hatashye umukiga, ntihatashye umunyenduga, ntihatashye umuhutu, ntihatashye umututsi, ntihatashye umunyedini, ahubwo hatashye abuhagiwe mu nyanja ibabuza ivangura iryo ariryo ryose, kugira ngo tube akarorero k’amahanga. ICYATEYE IMANA KUDUHANA SI CYO KIZAYITERA KUDUHOZA AHUBWO DUKARABE TUNOGE ABANTU BABIBONE IMANA IBYEMEZE.

Bikorewe i Walikale kuwa 07 Mata 2015

(Sé)

BYIRINGIRO Victor

Jenerali Majoro

Perezida w’agateganyo wa FDLR

source: http://ikazeiwacu.fr/2015/04/09/fdlr-ubutumwa-bugenewe-impunzi-zabanyarwanda-bari-muri-rdc-no-mu-yandi-mahanga/

Mu kiganiro n’abanyamakuru ku wa gatatu tariki 24 Ukuboza, Minisitiri w’Ububanyi n’Amahanga w’u Rwanda, Louise Mushikiwabo, yagaragaje ishusho mu mibanire y’u Rwanda n’ibihugu by’Africa y’Epfo (South Africa), u Burundi n’u Bufaransa, imibanire yagarutsweho bya hato na hato ivugwamo agatotsi muri yu mwaka wa 2014 turi gusoza.

Min. Mushikiwabo yavuze ko nta kintu kidasanzwe mu mibanire y’u Rwanda n’ibi bihugu bitatu, gusa ngo muri politiki ikibazo gishobora kuvuka ariko kikanahabwa umurongo gikemukiramo. Yagize ati “Burya mu mibanire y’ibihugu, cyane cyane ibihugu bituranye habamo ak’izotanye, haba utuntu tumwe na tumwe ibihugu bitumvikanwaho.” Umubano w’u Rwanda na Africa y’Epfo ntiwakwicwa n’umuntu umwe wahahungiye…

Ubwo Minisitiri Mushikiwabo, yavugaga ku mubano w’u Rwanda n’Africa y’Epfo yavuze ko wajemo agatotsi kuva mu mwaka wa 2010, ubwo bamwe mu Banyarwanda batavuga rumwe na Leta bahahungiraga. Ati “Ibya Africa y’Epfo byo twabivuzeho kenshi, ni igihugu kuva na kera twagiranye umubano mwiza haza kuzamo ikibazo mu mwaka wa 2010 aho bamwe mu Banyarwanda biyemeje kugirira nabi igihugu bahungiyeyo, aho ni ho ikibazo kiri.” Yakomeje agira ati “Ibivugwa bindi, ngo uyu bamwirukanye, ngo kanaka bashatse kumurasa, biriya ni za politiki ziraho na zo zidafatika. Ikibazo gihari ni icyo, twabonye akanya ko kukiganiraho na Leta, abashinzwe umutekano, abashinzwe ubutabera, abashinzwe iperereza, barakomeza kubiganiraho. Nibaza ko… ni ibintu byatewe n’abo Banyarwanda bashaka gusenya bahungiyeyo bakomeza gukora ibyo bikorwa ndetse babishyiramo n’ingufu bageze muri Africa y’Epfo. Ariko sinabaza neza ko urebye neza aho ibihugu byacu, ibyo duhuriraho ni byo byinshi kuruta umuntu umwe wahahungiye.

Nibaza ko biriya ari ibibazo bizageraho bigashira, hari ubwo ikibazo gitinda atari ngombwa kandi nibaza ko aricyo cyabaye, ariko sinzi niba hari igihugu cyahitamo umuntu umwe cyangwa babiri ku gihugu cyose. Ntabwo nibaza ko aribyo kandi nk’uko twabibabwiye iki ntabwo ari ikibazo tuzarangiriza mu itangazamakuru, dufite aho tubiganirira n’aho ibyo tugira twumvikana nk’abayobozi… Ntabwo numva ko ibi ari ibibazo bibaho ntibirangire, buri kibazo cyose burya kigira iherezo.”

Imibanire y’u Bufaransa n’u Rwanda yicwa n’abantu ku giti cyabo…

Ubwo Min. Mushikiwabo yavugaga ku mibanire y’u Rwanda n’u Bufaransa, yavuze ko nta kintu kidasanzwe gihari, gusa ngo u Rwanda rushaka ko ibihugu bikomeza kubana neza. Ati “U Bufaransa sinzi ko hari ikibazo dufitanye gishyashya. U Bufaransa buraho turabanye, ba Ambasaderi barahari, ambasade zirafunguye. U Rwanda twagaragaje ko twifuza umubano mwiza kurutaho, cyane cyane kuva igihe Perezida w’u Rwanda yagiye gusura u Bufaransa, ariko ikigaragara hari abantu batararekura mu Bufaransa.” Mu Bufaransa hari abantu rimwe na rimwe uyoberwa abo aribo, Umukuru w’igihugu avuga ikintu, ugasanga baciye hasi bakoze ibindi. Hari ibihugu bigira politiki z’Ububanyi n’amahanga zirimo amacenga menshi cyane, ukayoberwa ibyo aho biturutse.”

Minisitiri Mushikiwabo avuga ko avuga ko hari ikigaragara ko abayobozi b’ubufaransa bifuza ko igihugu cyabo kibana neza n’u Rwanda kandi ngo hari na byinshi bifuza gukorana n’u Rwanda. Ati “Icyagiye kigaragara cyane muri uyu mwaka wa 2014 wo kwibuka imyaka 20 Jenoside ibaye, ni uko Abafaransa benshi bagiye badushyigikira muri gahunda zo kwibuka.”

Abarundi ni abavandimwe, tuvuga ururimi rumwe, nta kintu cyatuma ibihugu bitandukana…

Ubwo Min Louise Mushikiwabo yavugaga ku mubano uri hagati y’u Rwanda n’igihugu cy’u Burundi, yavuze ko ibihugu bihana imbibe rimwe na rimwe biba bifitanye utubazo, ariko avuga ko ari ibintu bisanzwe. Yagize ati “Abarundi ni bene wacu ni yo mpamvu tuvuga ururimi rumwe, Uburundi n’u Rwanda sinzi ko twagira icyo dupfa gituma ibihugu bitandukana.” Ku kibazo cy’imirambo yakunze kuvugwa mu kiyaga cya Rweru, ibihugu byombi bikitana bamwana ku kumenya aho imirambo yaturutse, Mushikiwabo yatangaje ko u Rwanda rushaka ko habaho iperereza rihuriweho n’ibihugu byombi. Ati “Iki kibazo cy’ikiyaga cya Rweru, twebwe nk’u Rwanda twifuje ko u Burundi bwareka tugakora ipereza twese hamwe niba ikiyaga tugisangiye, ni ukuvuga ko nta perereza rishobora kugira icyo rigeraho ridahuriweho n’ibihugu byombi.

N’ubu rero, turacyategereje, nta muntu utakwifuza kumenya ko niba hari abantu bapfuye, uko bapfuye uwabishe agahanwa, aho baturutse, ibyo byose ni ibintu twifuza ariko nyine biri mu maboko y’u Burundi ariko buriya politiki isaba kwihangana, byaba ngombwa haba hari umurongo waciwe bivugwa ko nta we uwurenga byo bikaba ari ibindi, ariko Abarundi n’Abanyarwanda buriya turavukana nta kizabo gikomeye ku buryo ibihugu byacu byatandukana. Rimwe na rimwe hazamo agatotsi ariko na byo nibaza ko ari ibintu bisanzwe nimureba hirya no hino ku Isi murasanga buri gihugu n’umuturanyi wacyo bifitemo akabazo. Icyangombwa ni ukugera aho umuntu akabiha umurongo.”

HATANGIMANA Ange Eric UMUSEKE.RW

Mu iburanisha ry’urubanza rw’umuhanzi Kizito Mihigo, umunyamakuru Ntamuhanga Cassien, Niyibizi Agnes na Dukuzumuremyi Jean Paul wabaye mu ngabo za RDF, uyu Dukuzumuremyi ni we wisobanuye ku byaha bitatu aregwa akaba yavuze ko yahujwe na Kizito kugira ngo urubanza rugire ireme, na ho Kizito Mihigo avuga yanze abamwunganiraga mu mategeko ngo kuko baburana bahakana ibyo we yemera ko yakoze.

Mu iburanisha ryabaye kuri uyu wa gatanu tariki 28 Ugushyingo 2014, Kizito Mihigo yabwiye nteko iburanisha yo mu Rukiko Rukuru ko yanze abamwunganira kuko ngo baburana bahakana ibyo we yemera yakoze. Yavuze ko iyo miburanire y’abamwunganira ishobora kugira ingaruka ku miburanire ye, asaba Urukiko kuzasuzuma ibyo bavuze mbere rukareba ukuri kwabyo. Batazuyaje, nyuma yo kumva ibyo uwo bunganiraga yavuze Me Bigaraba John na mugenzi we basinye ku mpapuro ko bemeye ibivuzwe bahita bagenda. Kizito ashobora kwiburanira ahasigaye cyangwa agashaka abandi bunganizi mu mategeko.

Nyuma y’ibyo Urukiko rwakomeje iburanisha rwumva ibirego Ubushinjacyaha burega Dukuzumuremyi Jean Paul n’uko abyisobanuraho. Ibyo byaha birimo icyo kurema umutwe w’abagizi ba nabi, kugambanira ubutegetsi buriho n’Umukuru w’igihugu, ndetse n’icy’iterabwoba. Ibi byaha byose Ubushinjacyaha bwasobanuye ko bifitanye isano n’uko Dukuzumuremyi Jean Paul ngo yagiye mu gihugu cya Uganda akabonana n’abantu bakorana na FDLR na RNC, ndetse ngo akaza kujya muri Congo Kinshasa kwiga gukoresha gerenade, nyuma ngo akajya i Burundi kuzigura ndetse ngo akaza kuzifatanwa.

Ubushinjacyaha bukaba bwabwiye Umucamanza ko ibyo bikorwa byo kuba Dukuzumuremyi yaragiye akabonana n’abantu bo muri (Opposition) “ariko yitwaje intwaro ndetse ifatwa nk’umutwe w’iterabwoba nka FDLR”, bikubiyemo ubugambanyi n’iterabwoba ngo kuko ibisasu yafatanywe byari bigamije guterwa mu bice by’Umujyi wa Kigali, nk’i Remera, Kicukiro, ku nzu ndende yo mu mujyi wa Kigali (City Tour) ndetse no ku iguriro rya Simba Super Market. Dukumuremyi Jean Paul yahakanye ibyo aregwa byose, avuga ko inyandikomvugo yazikoreshejwe ndetse akamara ukwezi agirirwa nabi n’inzego z’umutekano zimuhatira gufata mu mutwe izo nyandikomvugo.

Yavuze ko ubushinjacyaha bwivuguruza, ngo kuko rimwe buvuga ko yafatiwe mu cyuho ataburura gerenade, ubundi bukavuga ko ngo yafashwe yagiye kwakira izo gerenade. Yavuze ko ubushinjacyaha butagaragaza amazina y’ahantu haguzwe gerenade i Burundi ndetse ngo ntibugaragaza n’amazina y’abazigurishije n’abazimuhaye. Dukuzumuremyi wasaga n’urakaye cyane mu rukiko, yavuze ko nta bushobozi afite bwo kuba yatera ibisasu mu mujyi wa Kigali bibaye aribyo koko yarafatanywe gerenade. Yakomeje kuvuga ko umujyi wa Kigali urinzwe n’abasirikare ku buryo bitakoroha ku muntu wese gutera gerenade cyangwa guhungabanya umutenako.

Yagize ati “Keretse niba ari bya bindi mujya mureba muri filimi muvuga, ubwo naba mbaye Comando.” Dukuzumuremyi yakomeje gusaba ko gerenade zazanywa ndetse bakagenzura bakamenya neza uwaziguze n’aho zakorewe ngo kuko mu buhanga zikoranye ibyo byose biba biriho, yavuze ko hari n’ubwo zaba zaraguzwe na Leta y’u Rwanda. Uyu Dukuzumuremyi yabwiye Urukiko ko yagiye mu gisirikare afite imyaka 10 gusa ku buryo ngo igisirikare kimuri mu maraso. Yavuze ko nk’umuntu wabaye umusirikare atari bujye muri Congo Kinshasa ajyanywe no kwiga gerenade kuko ngo iby’ibanze biga mu gisirikare ni ukwirinda. Yagize ati “Ubwo naba ndi musirikare ki mbonye gerenade simenye icyo aricyo, sinaba narabaye umusirikare w’igihugu.”

Yongeyeho ko ibyo aregwa ari ibinyoma byahimbwe ndetse bigahuzwa n’urubanza rwa Kizito Mihigo kugira ngo rugire uburemere abantu bumve ko harimo n’umusirikare wo gutera gerenade. Dukuzumuremyi yavuze ko mu buryo bwumvikana nta kuntu FDLR na NRC, imitwe yose ivugwa ko ifite ingabo yari kujya gushaka umuntu yishyura amafaranga miliyoni 3 iyo mitwe iba yabonye bigoranye ngo ihindukire iyahe umuntu ujya kurimbura imbaga y’Abanyarwanda kandi iyo mitwe ifite abasirikare, ngo ku buryo yategeka umusirikare umwe ku buntu akajya kubikora.

Uku kuburana kwa Dukuzumuremyi Jean Paul ahakana ibyo aregwa nk’uko abyita “azibukira ibyo aregwa”, ntigutandukanye n’uburyo umwunganira mu mategeko Me Mukeshimana Beatrice aburana, akaba yashinje ubushinjacyaha kuvugira ibintu mu cyuka. Ubushinjacyaha bwavuze ko ibyo burega Dukuzumuremyi aribyo, ndetse busobanura ko kugirira nabi ubutegetsi bidasaba ubushobozi mu mafaranga cyangwa kugira ubumenyi burenze no kuba umuntu ari mu myanya ikomeye ya Politiki nk’uko byavugwaga na Dukuzumuremyi n’umwunganira.

Ubushinjacyaha bwavuze ko kuba Dukuzumuremyi yaremeye ibyo aregwa imbere y’ubugenzacyaha ndetse akanabyemera imbere y’ubushinjacyaha, bigaragaraza neza ko yabikoze kandi ngo nta gitutu yashyizweho ndetse ngo si uwambere uhakanye ibyo aregwa ageze imbere y’umucamanza. Ubushinjacyaha bwanareze Me Mukeshimana gukoresha imvugo y’agasuzuguro aho mu nyandiko yabugeneye, ngo yavuze ko ibyo burega uwo yunganira bicurikiranyije.

Dukuzumuremyi Jean Paul, yavuze ko urubanza rwe rumeze nk’ibya wa mugani w’Ikirura n’Intama, “Nimba atiri wowe ni so wanyu” avuga ko adakwiye kuregwa kugambanira ubutegetsi no kugirira nabi umukuru w’igihugu ngo kuko ntabyo yakoze. Me Mukeshimana umwunganira yavuze ko iby’ubushinjacyaha bihora bigaruka mu birego byose nk’Ubutatu Butagatifu, asaba ko urukiko rwazabisuzuma. Inteko iburanisha imaze kumva impande zombi, yavuze ko izasuzuma ibyavuzwe ndetse yimurira urubanza tariki ya 12 Ukuboza 2014. Icyo gihe hazaburana Niyibizi Agnes uregwa ko ariwe wahaye Dukuzumuremyi amafaranga miliyoni 3 ngo akore ibikorwa byo gutera gerenade.

__HATANGIMANA Ange Eric UMUSEKE.RW__

Mu rubanza rwa Leon Mugesera rwakomezaga kuri uyu wa 02 Ukwakira, umutangabuhamya ushinja Leon Mugesera yabonetse. Avugana ingingimira ko atahagarika ibyo yatangiye ariko ko muri gereza akomeje guterwa ubwoba bikamutera impungenge. Urukiko rwaje kwanzura ko avanwa mu rutonde rw’abashinja Mugesera, ibi byakuruye impaka ndende kuko uruhande rw’uregwa rwumvaga agomba guhabwa umwanya. Umutangabuhamya Rwatende Daniel utari wabonetse kuri uyu wa 01 Ukwakira, uyu munsi yavuze ko iyo atanze ubuhamya muri gereza aterwa amabuye ndetse ngo bakamutera ubwoba ko hari abazamurasa bityo afite ikibazo gikomeye cy’umutekano we. Gusa akongera akavuga ko yumva ubundi nta kibazo gutanga ubuhamya bushinja Mugesera kuko n’ubushize ngo yabikoze, ariko ubu ngo ntabwo akizeye umutekano we. Uyu ni umutangabuhamya wa 26 muri 28 bagomba gushinja Leon Mugesera ibyaha bihereye ku ijambo Mugesera yavuze ryakanguriraga ‘gukora’ Jenoside. Leon Mugesera yahise asaba ijambo avuga ko ibi urukiko rugomba kubisuzuma, rugaha ituze uyu mutangabuhamya, akarindwa nawe akagira ituze agahabwa igihe ubundi akazagaruka gutanga ubuhamya. Leon Mugesera abaza urukiko ati “ Niba umutangabuhamya w’ubushinjacyaha afite ikibazo cyo gutanga ubuhamya ubwo uwanjye bizaba bimeze gute?” Alain Mukurarinda uhagarariye ubushinjacyaha muri uru rubanza yahise avuga ko nta kurinda uyu mutangabuhamya ushinja Mugesera birenze ibyo yari asanzwe akorerwa, ngo kereka niba ashaka umuherekeza no mu bwiherero, no mu cyumba aryamamo mbese umuhora iruhande. Kuri we ngo akaba abona nta mpamvu ifatika yatuma adatanga ubuhamya yatangiye. Nyuma y’impaka urukiko rwafashe iminota 15 ngo rusuzume iby’uyu mutangabuhamya. Abacamanza baje bavuga ko nyuma yo gusuzuma impungenge z’uyu mutangabuhamya, rwasanze agenda yivuguruza kuko mbere yari yatangaje ko arindirwa umutekano nta kibazo ubu akaba avuga ko atarindirwa umukano agaragaza impungenge ku buzima bwe. Urukiko rwavuze ko gutanga ubuhamya ari ubushake bwe, bityo rwanzura ko avanwa ku rutonde rw’abatangabuhamya bashinja Mugesera. Ako kanya bahise bamusohora ava mu rukiko. Uyu mutangabuhamya wavanywe ku rutonde uyu munsi iyi yari inshuro ye ya kane (4) yitaba Urukiko ariko ngo n’ubundi yagiye azana amananiza mu gutanga ubuhamya nk’uko byagarutsweho n’urukiko. Urukiko rwavuze ko abandi batangabuhamya babiri basigaye nabo bagiye bagorana mu kubashaka harimo abavugaga ko baterwa ubwoba n’abantu bari hanze bababwira ko bazabarasa. Umushinjacyaha Alain Mukurarinda yavuze ko ibimenyetso bishinja Mugesera bafite ubu bihagije nubwo bariya batangabuhamya babiri basigaye batatanga ubuhamya bitabuza urubanza gukomeza kandi bitahungabanya dossier. Leon Mugesera yanze uyu mwanzuro w’urukiko kuri uyu mutangabuhamya wamushinjaga, avuga kandi ko urukiko rugomba gukomeza rugashaka abatangabuhamya bamushinja bakaba 28 nk’uko byateganyijwe. Ati “Ubushinjacyaha ni urwego rukomeye rwakwiyambaza abapolisi, abasirikare nab a DASSO ariko abatangabuhamya bakaboneka. Kuvuga ko abatangabuhamya babuze ntabwo ari ibintu biri credible kuko umuntu avuze ko agira ubwoba ari muri gereza nanjye nagira ubwoba.” Mugesera akaba we avuga ko uyu mutangabuhamya bavanye ku rutonde ahubwo akwiye guhabwa umwanya agatuza akazaza gutanga ubuhamya ngo kuko ashobora kuba afite ukuri kwe gutuma ari kwanga gutanga ubuhamya. Alain Mukurarinda yasabye Mugesera kureka amagambo y’impuha kuko ubushinjacyaha ngo budategeka Polisi cyangwa Ingabo z’igihugu. Asaba ko Mugesera niba atemera ko Urukiko rwashatse abamushinja yabivuga ariko akareka amagambo y’impuha, kandi bitabuza urubanza gukomeza. Nyuma y’impaka ndende, Urukiko rwanzuye ko urubanza ruzakomeza ku itariki 22 Ukwakira kandi ko bazohereza abakozi b’Urukiko kongera gushaka umutangabuhamya wundi mu bari ku rutonde rw’abashinja Mugesera Leon.

Umuseke.com

Komisiyo y’Igihugu y’Amatora yamaze gushyira ahagaragara urutonde ndakuka rw’Abakandida bazahatanira kujya mu nteko Ishinga Amategeko, mu matora azaba ku wa 16-18 Nzeri 2013. Abakandida bemejwe bagera kuri 410 baturutse muri FPR-Inkotanyi n’indi mitwe ya Politiki yifatanyije na yo ari yo PDI, PSR, PDC na PPC, abatanzwe na PS Imberakuri, PSD, PL, abakandida bigenga, Abagore, urubyiruko n’abafite ubumuga.

Abakandida 410 bemejwe na Komisiyo y’Igihugu y’Amatora, 80 ni bo bazajya mu nteko Ishinga Amategeko, Umutwe w’Abadepite barimo 53 bava mu badepite rusange, 24 bahagarariye abagore, babiri (2) bahagarariye urubyiruko n’umudepite umwe (1) uhagarariye abafite ubumuga. Ni ku ncuro ya gatatu Abanyarwanda bagiye gutora abadepite nyuma y’amatora yo mu 2003 na 2008.

Nk’uko bitangazwa na Perezida wa Komisiyo y’Igihugu y’Amatora, Prof. Kalisa Mbanda, FPR Inkotanyi n’indi mitwe ya Politiki bifatanyije ari yo PDI, PSR, PDC na PPC batanze abakandida 80 bemezwa bose ; PS Imberakuri yatanze abakandida 63 hemezwa 45, PSD yatanze abakandida 80 hemezwa 76, PL yatanze abakandida 68 hemererwa 64 na ho abigenga batanze kandidatire ni batanu hemerwa 4.

Mu bagore, abatanze kandidatire mu Mujyi wa Kigali ni batanu bemejwe bose, Intara y’Amajyepfo abagore batanze kandidatire ni 30 bemezwa bose, Intara y’Uburengerazuba abatanze kandidatire ni 22 hemererwa 21, Intara y’Amajyaruguru abatanze kandidatire ni 21 bemerwa bose, na ho mu Ntara y’Iburasirazuba abagore 27 ni bo batanze kandidatire hemererwa 26.

Mu rubyiruko, abatanze kandidatire ni 24, hemererwa 23 kuko umwe yakuyemo kandidatire ye. Mu bafite ubumuga abatanze kandidatire ni 16 hemererwa 15.

Mu bakandida 410 bemerewe, 204 ni abagore ni ukuvuga 50% na ho 153 bakaba urubyiruko bangana na 37%. Kwiyamamaza bizamara iminsi 21, bikazatangira ku wa mbere tariki ya 26 Kanama bisozwe ku wa 15 Nzeri 2013. Biteganyijwe ko Abanyarwanda 5,987,077 bazitabira amatora y’Abadepite yo ku wa 16 Nzeri 2013.

Ku bijyanye n’indorerezi zizakurikirana imigendekere y’amatora, Prof Kalisa Mbanda, atangaza ko amatora y’abadepite azaba muri Nzeri, ubu bamaze kugera ku 174, abanyamahanga bamaze gusaba ari 63 ariko bagikomeza kwakira abandi kuko abo muri Sosiyete sivile n’abo mu mitwe ya Polikiti batariyandikisha.

anthere@igihe.rw

A. Abakandida mu matora ataziguye

1. Umuryango FPR- Inkotanyi wifatanyije na PDC, PDI, PSR na PPC 1. UWACU Julienne FPR 2. MUTIMURA Zeno FPR 3. MUKANDUTIYE Spéciose FPR 4. SEMASAKA Gabriel FPR 5. KANKERA Marie Josée FPR 6. KAYIRANGA Alfred FPR 7. KAYITESI Libérata FPR 8. MUKAMA Abbas PDI 9. KAYITARE Innocent FPR 10. MURUMUNAWABO Cécile FPR 11. MUSABYIMANA Samuel FPR 12. MUKARUGEMA Alphonsine FPR 13. KABONEKA Francis FPR 14. MUKAZIBERA Marie Agnès FPR 15. RWIGAMBA Fidel FPR 16. MUKAYUHI RWAKA Constance FPR 17. MUKAYISENGA Françoise FPR 18. BARIKANA Eugene FPR 19. RUCIBIGANGO Jean Baptiste PSR 20. MUREKATETE Marie Thérèse FPR 21. BAMPORIKI Edouard FPR 22. KANTENGWA Juliana FPR 23. NYANDWI Joseph Désiré FPR 24. BWIZA Sekamana Connie FPR 25. GATABAZI Jean Marie Vianney FPR 26. MUKABAGWIZA Edda FPR 27. RUKU RWABYOMA John FPR 28. MURESHYANKWANO Marie Rose FPR 29. MUDIDI Emmanuel FPR 30. NYIRASAFARI Esperance FPR 31. KAREMERA Jean Thierry PPC 32. MPORANYI Théobald FPR 33. MWIZA Esperance FPR 34. KARENZI Théoneste FPR 35. TENGERA TWIKIRIZE Francesca FPR 36. NYIRABEGA Euthalie FPR 37. SEMAHUNDO NGABO Amiel FPR 38. NYIRABAGENZI Agnès FPR 39. MUKAKARANGWA Clotilde PDC 40. HABIMANA Saleh FPR 41. BEGUMISA Théoneste SAFARI FPR 42. MUKANTAGANZWA Pélagie FPR 43. MUKANDAMAGE Thacienne FPR 44. RWAKA Pierre Claver FPR 45. NYABYENDA Damien FPR 46. KARINIJABO Barthelemy FPR 47. MUKAMANA Elisabeth PPC 48. HAKIZAYEZU Pierre Damien FPR 49. BITUNGURAMYE Diogène FPR 50. NIYITEGEKA Winifrida FPR 51. MURARA Jean Damascène FPR 52. UWAMARIYA RUTIJANWA Marie Pélagie FPR 53. UMWARI Carine PDI 54. BAYIHIKI Basile FPR 55. MUNYANTORE Jean Bosco FPR 56. MUKARINDIRO Libératha FPR 57. TUMUSIIME Sharon FPR 58. UWIMANA Xavérine FPR 59. UWANYIRIGIRA Consolée FPR 60. NYAMINANI Boniface FPR 61. HITIYAREMYE Augustin PSR 62. DUSABIREMA Marie Rose FPR 63. BANAMWANA Bernard FPR 64. BUKUBA Fidele FPR 65. UWIRAGIYE Priscille FPR 66. MUKANGIRUWONSANGA Agnès FPR 67. MUJAWAYEZU Prisca FPR 68. KARIMUNDA René FPR 69. RWIGEMA Vincent PDC 70. UWINGABIYE Fausca FPR 71. RWAGASANA Erneste FPR 72. ZINARIZIMA Diogène FPR 73. NTAMUGABO Erneste FPR 74. Silimu Diogène FPR 75. KAPITENI Athar Eléazar FPR 76. NSHIMIYIMANA Alphonse FPR 77. GATETE John FPR 78. NZAYITURIKI Dorothée FPR 79. MUTUYIMANA Jean Claude FPR 80. BISIZI Antoine FPR

PS IMBERAKURI

1. MUKABLINANI Christine 2. NTEZIREMBO Jean Claude 3. NYIRAMAJYAMBERE Scholastique 4. NIYORUREMA Jean René 5. MUGANZA Claudine 6. HABIYAKARE Joseph 7. NDAYISABYE Venant 8. NAHIMANA Athanase 9. RIZINDE Bonaventure 10. KAYIGANWA Gilbert 11. MUHIRWA Alex 12. NZABAKENGA Louis 13. MUNYANKUSI Emmanuel 14. BWENGE Michel 15. KARENZI Jean PauI 16. U Z AMUB ONA Clementine 17. SAFARI Jean de Dieu 18. MUNYANSHONGORE Olivier Jean Claude 19. TUYISHIME Philippe 20. HARELIMANA Brave Daniel 21. TWAHIRWA Thomas 22. NZIRUMBANJE Alphonse 23. MUSAZA Jean 24. BANTEGEYE Jean Népo 25. HAKIZIMANA Elias 26. TUYISENGE Jean Marie Vianney 2T. MUKABUTARE Léa 28. NSHIMIYIMANA Emmanuel 29. NSHIMYUMUREMYI Charles 30. NDOTIMANA Théodomir 31. NSHIMIYIMANA Jerome 32. INGABIRE Valentine 33. NIYONSHUTI Gabriel 34. KAMONYO Emmanuel 35. NDAGIJIMANA Jean Pierre 36. HABUMUGISHA Anastase 37. MUSHIMIYIMANA Cyprien 38. GATARI Jérôme 39. NIYIGABA Jean Pascal 40. IMANARADUKUNDA Eugénie 4 1.NSHIMIRIMANA Sandrine 42. NZEYIMANA Dan Bonaventure 43. BANGANIRIHO Thomas 44. UZARAMA Pierre Célestin 45. NGENDAHO Ignace

3. PSD

1. NKUSI Juvénal 2. MUKAKANYAMUGENGE Jacqueline 3. MUKANDASIRA Caritas 4. BAZATOHA Shyaka Adolphe 5. NIYONSENGA Théodomir 6. NYIRAHIRWA Landranda 7. RUTAYISIRE Georgette 8. BUSHISHI Giovanni 9. HINDURA Jean Pierre I 0. DUKUZUMUREMYI François I 1. NZABONIMPA Faustin 12. UHAGAZE Charles Mathias 13. DUSABE Denise 14. MANIRAGUHA Anastase 15. HAKIZIMANA John 16. MUHAKWA Valens 17. NYIRANZAHABIMANA Clementine 18. SIBOMANA Gerard 19. NGABIRE Emmanuel 20. NTAWUHIGANAYO Emmanuel 21. KALISA Innocent 22. NIYONAGIRA Nathalie 23. NIYOTWAGIRA François 24. MUTONI Jenninah 25. HITAMANA Jean 26. MI-TNYANEZA Philippe 27. NTIBARIHUSHA Dieudonné 28. UWUBUTATU Marie Th6rdse 29. NSINGA Germain 30. UWAYEZU Laurien 31. NIYONZIMA Jean Claude 32. MUSHAKAMBA Guillaume 33. MUKLINDE Germaine 34. NTAHOBARI Augustin 35. RUTSOBE Michel 36. KANTARAMA Chantal 37. NTABANGANYIMANA Omar Seleman 38. MUKAMANA Venantie 39. UWIMANA Immaculee 40. MUSANIWABO Marcelin 41. UMURLINGI Emelyne 42. FURAHA Naasson 43. MUHUNDE Audace 44. NSABIMANA Egide 45. KAYIRANGA Emmanuel 46. GANDIKA Nestor 47. NGARAMBE Bonheur Jean de Dieu 48. MINANI Jean Claude 49. UMUGWANEZA Marie Jean 50. TWIZERIMANA Bonaventure 51. HAKIZIMANA Barnabe 52. MUKAMANA Jeannette 53. NKURUNZIZA Aimable 54. MUHIRE Aloys 55. MUTUYIMANA Jeanne Christelle 56. UWIHANGANYE Alice 57. RUZIGANA Fidele 58. HABINEZA Justin 59. RUTARINDWA Alphonse 60. DUSABE Blandine 61. MUNYANTORE Anny Chantal 62. MUGIRANEZA William 63. NDAHAYO Pierre Claver 64. NGARAMBE UMUHOZA Redempta 65. NIYIBIZI Sylvestre 66. MUTIMUKEYE Claire 67. BUCYANAYANDI Joseph 68. KAYIGANWA Clarisse 69. BANGAYANDUSHA Samson 70. AKIMANIZANYE Providence 71. NYIRAMASOMO Chantal 72. KARASIRA Jean Damascène 73. UMUMARARUNGU Alida Prudence 74. RWANDAMURIYE Elias 75. MUREKATETE Toyota Isabelle 76. MAHATA Jean Népomuscène

4. PL

1. MUKABALISA Donatille 2. BYABARUMWANZI François 3. KALISA Evariste 4. MUKAMURANGWA SEBERA Henriette 5. MUNYANGEYO Theogene 6. MUPENZI George 7. MUGABOWINGOGA Bernard 8. KAMANDA Charles 9. MUKANTAGARA Stéphanie 10. UWAMARIYA M. Claire 11. MUKAMAZERA Rosalie 1 2. SAYINZOGA NKONGORI Apollinaire 1 3. NYIRABAZAYIRE Angélique 14. KAGOYIRE Odette 15. UDAHEMUKA Aimable 16. NYAMUGANZA Barnabé 17. NZABONIMANA Guillaume Serge I 8. NKEJUMUZIMA Emmanuel 19. GATERA Innocent 20. UMUGWANEZA Solange 21. NTAGARA Vianney 22. KAYIRANGA François 23. NDORUHIRWE Leopold 24. HARERIMANA SANO Theogene 25. MWUMVANEZA Emile 26. HARERIMANA Theogene 27. ZIHINJISHI Chantal 28. MUKANTABANA Benigne Consolee 29. KAZARWA Gertrude 30. GATETE Charles 31. TWAGIRUMUKIZA J. Baptiste 32. BAKURIYEHE Donatille 33. NSHIMIYUMUKI Z A J. Damascene 34. HAKIZIMANA Jean Marie Vianney 35. NISHIMWE Claudia 36. MBARAGA Virginie 37. NGIRINSHUTI J.de Dieu 38. MUKAKAMARI Dancilla 39. GAHIMA Venuste 40. USABYIMFURA Phocas 41. HABYARIMANA J. Damascène 42. GATAB AZI Aimable 43. MUKAYISENGA Julienne 44. NYIRANTEZIRYAYO Marcelline 45. RWAMIHARE Jean de Dieu 46. SIBOBUGINGO J. Bosco 47. MUNYAZESA Concorde 48. NSHIMIYUMUKIZA Zachee 49. KARUTA MUJYAMBERE Eric 50. RUTAGENGWA Anastase 51. SAMVURA Modeste 52. AKIMANIZANYE Virginie 53. MUZIGANTAMA Johnson 54. MUHIRE Alberto 55. NYIRABEZA Nadine 56. BIGIRIMANA Eric 57. MUKAHIGANIRO Julienne 58. UWERA Chantal 59. MUGIRIMBABAZI J. Bosco 60. RUKUNDO Kelvin Emmanuel 61. RUSAGARA Vedaste 62. NDAGIJIMANA Enock 63. DUKUZUMUREMYI Sylvain 64. NDABIRORA Jean. Damascene

5. ABAKANDIDA BIGENGA

1. BIZIREMA Venuste 2. MWENEDATA Gilbert 3. MUTUYIMANA L6onille 4. GANZA Clovis

B. ABAKANDIDA MU MATORA AZIGUYE

I. ICYICIRO CY’ABAGORE

1. UMUJYI WA KIGALI 1. MUKANTABANA Rose 2. MUKAMUGEMA Jeannine 3. UWAYISENGA Yvonne 4. MUKARUKIZA Félicité 5. KABATESI Emerthe 2. Intara y’Amajyepfo 1. MUKAKARANGWA Consolée 2. MUKESHIMANA Christine 3. UWINGABIRE Gaudence 4. MUKANKENZI Cansilde 5. MUHONGAYIRE Christine 6. MUKANYABYENDA Emmanuelie 7. UWIMABERA Emma 8. NIWEMUGENI Francine 9. GAHONDOGO Athanasie 1 0.UWUMUREMYI Marie Claire 11. MURORIINKWERE Justine 12. MUKASHEMA Christine 13. GASENGAYIREC l6mence 14. UWANYIRIGIRA Gloriose 15. UWIMANA Espérance 16. MUKASHYAKA Bernadette 17. NYANGE Sada 18. UWAMAHORO Prisca 19. NYIRARUKUNDO Ignatienne 20. MPONGERA Sylvie 21. UWAMBAJIMANA Antoinette 22. NYIRANSABIMAMA Aloysie 23. IZABIRIZA Marie Médiatrice 24. MUKAMANA Bernadette 25. UMBEREYIMFURA Marie Goretti 26. UWANTEGE Solange 27. NIYIGOBOKA Theophilla 28. NIYIRORA Elisabeth 29. KABARERE Triphonie 30. MUTESI Joy

Intara y’Iburengerazuba

1. NYIRANGIRINSHUTI Valerie 2. CYURINYANA Vestine 3. MUTATSINEZA Evanys 4. DUSABINEMA Consolee 5. NIKUZE Nura 6. MANIRARORA Annoncee 7. NYIRABIZIMANA Emeritha 8. NYIRAMANA Peruth 9. TWIZEYEMUNGU Donatha 10. M UKABIKINO Jeanne Henriette 11. NYIRANZEYIMANA Esperance 12. TWAGIRAMUNGU Angelique 13. NYINAWASE Jeanne d’Arc 14. MUKANSANGA Clarisse 15. MUKARUTESI Marie Vestine 16. NYIRARIBANJE Assoumpta 17. UWAMAMA Marie Claire 18. BARAKAGWIRA Patricie 19. UWAMBAYINGABIRE Jeanne 20. MUKANDEKEZI PetroniIle 21. UWAMWIZA Dative

3. Intara y’Amajyaruguru

1. ILIBAGIZA Mireille 2. NTAKONT AGIZE Florence 3. MUSABYIMANA Beatrice 4. UWAMARIYA Françoise 5. MUKARUTABANA Beata 6. NIYONSABA Liberata 7. NYIRAMADIRIDA Fortun6e 8. UWAMARIYA Devota 9. MUKAHAKUZIMANA Consolée 10. NDEJEJE UWINEZA Marie Rose 11. KANDINGA Elisabeth 12. MUKESHIMANA Clementine 13. UMULISA Marie Chantal 14. MUREBWAYIRE Marie Claire 15. MUKAYIJORE Suzanne 16. ISABWE Felixisme 17. UWAMUNGU Francine 18. KABASINGA Chantal 19. UWIMANA Claudine 20. NZARAMBA Lucie 21. MUJAWAYEZU Leonie

4. Intara y’Iburasirazuba

1. YANKURIJE Marie Goretti 2. NYIRAGWANEZA Athanasie 3. UWINEZA Marie Grace 4. MUTESI Anitha 5. MUKANTABANA Laetitia 6. UWIMANIMPAYE Jeanne d’Arc 7. MUJAWAMARIYA Berthe 8. NYIRIMBAB AZI Jeannette 9. MUREBWAYIRE Christine 10. MUKESHIMANA Gloriose 11. UWIBAMBE Consol6e 12. MUKARUGWIZA Annonciathe 13. MUSABE Clementine 14. UWINGABIYE Alice 15. NZITONDA Mediatrice 16. UWANZIGA Lydia 17. MBABAZI Jane 18. MUHIMPUNDU Claudette 19. DUSENGE Rose 20. MUKAMUSONI Virginie 21. UWITONZE Marie Claire 22. UWINGABIYE Chantal 23. MUKAMASABO Donata 24. MUKAGATSINZI Beata 25. MUKANDERA Iphig6nie 26. MUKAMUSONERA Dativa

Il. ICYICIRO CY’URUBYIRUKO

1. KABATESI Epiphanie 2. MURENZI Janvier 3. KABASINDI Tharcie 4. NDAYIZIGIZE Pelerin Emmanuel 5. NDAYISHIMIYE Eric 6. SANYU Robina 7. NTAGANIRA Bayingana Peterson 8. MURENZI Robert 9. NIWEMUGENI Prudence 10. KANANGIRE NGABO Christian 11. MPAMIRA Egide 12. KAGENZA Jean Marie Vianney 13. UWERA Leontine 14. HAGENIMANA Justin 15. TWAGIRIMANA Innocent 16. UWIRINGIYIMANA Philibert 17. SIBOMANA Darius 18. KAYIGAMBA Theobald 19. M WISENEZA Jean Claude 20. IRANKTINDA Marie Goreth 21. UMUTONIWABO Claudine 22. MUKOBWA Justine 23. NZIRORERA Eric

IlI. ICYICIRO CY’ABAFITE UBUMUGA

1. KARANGANWA Jean Bosco 2. RWAMUCYO GISAZA Severin 3. MUTABAZI Innocent 4. NDAYANZE Jean Bosco 5. BAKUNDUKIZE EIysee 6. RUSIHA Gastone 7. RUTAYISIRE Augustin Sefu 8. NKURANGA Jean Pierre 9. TWAGIRAYEZU Innocent 10. KARANGWA François Xavier 11. NDAYISABA Salvator 12. NGABOYISONGA Ally 13. NYIRIMIHIGO Emmanuel Gisa 14. RWAGASORE Augustin 15. GAHONGAYIRE Annonciata

Source: http://www.igihe.com/politiki/amakuru/article/abakandida-410-bazatorwamo

Perezida Paul Kagame yagiranye ikiganiro n’ikinyamakuru Jeune Afrique ku ngingo za politiki usanga hari abazibazaho. Muri zo harimo ibivugwa ku bibazo bya Congo birimo umutwe wa M23 urwanya Leta ya Congo Kinshasa ; ku birebana n’itahuka ry’abatavuga rumwe na Leta y’u Rwanda baba hanze ; uko bizagenda nyuma ya manda ya kabiri ya Perezida Kagame mu 2017. Umunyamakuru yabajije Perezida Kagame isomo u Rwanda rwaba rwarakuye mu kuba mu minsi ishize rwarashyizwe mu majwi ku bibazo bivugwa mu Burasirazuba bwa Congo byanatumye amahanga aruhagarikira inkunga.

Perezida Kagame yamusubije ko atari ibintu byinshi rwabikuyemo kuko atari ubwa mbere bibaho, ati ’’Mu by’ukuri ni ibintu bike. Si ubwa mbere u Rwanda ruhura n’ibibazo cy’abatumva ibirebana n’Uburasirazuba bwa Congo, nta n’ubwo ari ubwa mbere inkunga yahabwaga u Rwanda ihagarikwa kubera byo, aha rero Abanyarwanda bakaba barabashije kubyigobotora. Naho ibihano muvuga byafashwe bishingiye kuri raporo y’inararibonye z’Umuryango w’Abibumbye, aho u Rwanda rutigeze runamenyeshwa ibyo byemezo bishingiye ku bihuha ndetse n’ibirego by’abantu batazwi."

Perezida Kagame yakomeje agaragaza ko ikibazo kireba u Rwanda ari FDLR, ati "Ni byo koko hari aho ibibazo bya Congo bitureba mu rwego rw’uko ari igihugu gicumbikiye hafi imyaka 19 Interahamwe n’abasirikare basize bahekuye u Rwanda muri Jenoside mu 1994 kandi kugeza n’ubu tuvugana batarashirwa, bagifite inyota yo gukomeza akazi batangiye. Ariko ibyo bibazo byakagombye gukemurwa n’igihugu cya Congo ndetse n’Umuryango w’Abibumbye. Ibi rero bisa nk’aho nyuma yo gutsindwa, bateganyije ko u Rwanda rugomba kwishyura ; ntabwo tubyemera rero.’’

Umunyamakuru yanamubajije niba ihagarikwa ry’inkunga z’amahanga ku Rwanda zararuhungabanyije. Perezida amusubiza ko u Rwanda rwakomeje kubaho, ati ’’Oya, ntitwabuze icyo dukora. Turabizi neza ko inkunga itangwa ku bushake bw’uyitanga cyangwa uyihagarika ku mpamvu ze bwite. Twarabyamaganye, kandi twafashe ingamba, ku bibaza ntacyo bimaze.’’

Umutwe wa M23 ureba Congo

Ikindi Perezida Kagame yagarutseho ni ibirebana n’umutwe wa M23, ubwo yabazwaga niba yemera ko bigoye kwemera ko inyeshyamba za M23 zifitanye isano n’u Rwanda.

Aha Perezida Kagame yasubije agira ati ’’Bigoye kuri bande ? ku bantu bahisemo kwirengagiza ukuri, bagatangaza raporo zibogamye ? Ntibashake kutwumva ? M23 ntabwo ari ikibazo cyanjye, ni ikibazo cya Guverinoma ya Congo. Kuki abantu bishyizemo M23 ? Hari izindi nyeshyamba ziri muri Congo, bigaragara ko zidafite uwo zishishikaje.’’

Abatavuga rumwe na Leta bataha mu Rwanda

Ibindi bibazo Jeune Afrique yabajije Perezida Kagame n’ibirebana n’itahuka ry’Abanyarwanda baba mu mahanga, aho yamubajije niba abatavuga rumwe na Leta y’u Rwanda nka Faustin Twagiramungu, Paul Rusesabagina, Emmanuel Habyarimana n’abandi… nibaramuka batahutse mu Rwanda batazashyirwa imbere y’ubucamanza, maze Perezida Kagame asubiza agira ati : ’’Nibyo narabivuze rwose ko bashobora kuzagaruka kandi hari ibigomba kubahirizwa, ibindi ni akazi kabo n’ak’ubucamanza bw’u Rwanda.’’

Umunyamakuru yanabajije Perezida Kagame niba yiteguye kuba yashyikirana nabo, amusubiza ko nta mishyikirano ihari. Perezida Kagame yagize ati ’’Imishyikirano y’iki ? Icyo bashaka mu magambo make ni ubutegetsi, ubwo butegetsi kandi ntabwo nzabaha igihe cyose bidaciye mu nzira nyayo igenwa kubugeraho, ntacyo kumvikana nabo gihari.’’

Umunyamakuru yanagarutse ku irangira ry’ubuhunzi ku Banyarwanda bari mu buhungiro, nyamara mu gihe kitarengeze ku kwezi nta buhunzi ku Munyarwanda buzongera kubaho mu mahanga, nk’uko Ishami ry’Umuryango w’Abibumbye ryita ku Mpunzi (HCR) ryabyemeje. Bamwe muri bo bashyigikiwe na Kinshasa ivuga ko nta mutekano n’uburenganzira bazagira mu Rwanda. Umunyamakuru yabajije Perezida icyo yabivugaho.

Perezida Kagame yagaragaje ko Congo idashobora kwivanga mu bibazo by’u Rwanda, ati’ Ni gute ubutegetsi bwa Congo bushobora kwivanga mu bibazo by’u Rwanda ? Kubera iki bagomba kuvugira izo mpunzi z’Abanyarwanda ? Kinshasa igomba mbere na mbere kubanza gukubura imbere y’umuryango wabo……Kandi ntawe duhatira gutaha.’’

Ese muri 2017 bizagenda gute ?

Ibizakurikira irangira rya manda ya kabiri ya Perezida Kagame nabyo byagarutsweho muri icyo kiganiro na Jeunafrique, aho umunyamakuru yamubajije niba azongera kwiyamamaza mu 2017.

Perezida Kagame yamusubije agira ati : ’’Yaba njye, yaba n’undi wese, ntawageze kuri uwo mwanzuro. U Rwanda rwa none sinjye rwaremewe. Gusa mbwira Abanyarwanda nti : ’’Mubiganireho, mubitekerezeho, mugire ibyo mufata mwita ku nkingi eshatu mbifuriza : mpinduka, iterambere n’umutekano.’’

Uwo munyamakuru yongeye aramubaza kandi ati : ’’Dufate ko mwiyamamaje mugatsinda, muzi ibyavugwa : Kagame yagundiriye ubutegetsi, Kagame ni umunyamacenga ?’’

Perezida Kagame yamugaragarije ko ibyo nta gishya kirimo, agira ati : ’’Ibyo ndabizi. Nta gishya gihari ? Navuze ko kuyobora bitanshishikaje, imiryango itegamiye kuri Leta isubiramo ibyo bintu kuva ku munsi wa mbere wa manda yanjye ya mbere. Mushaka ko ibyo bitwara iki Abanyarwanda ?’’

Naho kuba hari abanenga u Rwanda bakabigereka kuri Perezida Kagame, Perezida Kagame yamubwiye ko ntacyo bimutwaye, ati ’’Ibyo ntibimbuza kubaho, nta n’icyo bizahindura ku munsi wanjye wo gupfa. Niba mushaka kumenya byose, nijoro ndaryama ngasinzira neza.’

Igihe.com

Ubuzima bw’umuntu kuri iyi si bugirwa n’ibyemezo binyuranye . Utazi kwifatira icyemezo ntashobora kubaho mu bwigenge kuko nyine abamufatira ibyemezo aribo bamukanira urumukwiye ! Rwose imibereho yacu igengwa n’ibyemezo dufata cyangwa abandi badufatira ! Imigendekere myiza cyangwa mibi y’igihugu nayo ituruka ku byemezo bifatwa n’abategetsi cyangwa na rubanda . Abategetsi bashobora gufata icyemezo cyo gukora ibifasha abaturage cyangwa ibibahima. Icy’ingenzi muri ibyo byose ni uko umuntu yemera kwakira n’ingaruka z’ibyemezo afata, zaba zishimishije cyangwa se zikarishye.

Biragaragara ko Agatsiko kamaze imyaka 19 ku butegetsi mu Rwanda kafashe ibyemezo byinshi muri aya mateka aheruka y’U Rwanda.Reka twibukiranye bimwe muri byo.

(1)Agatsiko kafashe icyemezo cyo gutangiza intambara taliki ya 1/10/1990 kandi kabona neza ko iyo ntambara yagombaga kurimbura Abanyarwanda bakabakaba miliyoni.

(2)Icyemezo cyo kwica Perezida Habyarimana Yuvenali kandi ubwo karangije kubara n’ingaruka mbi nyinshi icyo gikorwa cy’iterabwoba kizagira ku gihugu muri rusange no kubenegihugu bo mu bwoko bw’Abatutsi ku buryo bw’umwihariko.

(3)Icyemezo cyo kwica abantu benshi cyane bahamagawe mu nama, aho FPR yanyuze hose.

(4)Icyemezo cyo kurimbura Abahutu bari mu nkambi i Kibeho.

(5)Icyemezo cyo gutera inkambi za Kongo hagamijwe kurimbura impunzi.

(6)Icyemezo cyo gutoteza no gufunga Abanyarwanda bose banenga imikorere mibi y’ubutegetsi bw’Agatsiko harimo abanyapolitiki n’abanyamakuru.

(7)Icyemezo cyo gusenya amazu bwite y’abaturage ngo ni uko ari nyakatsi hagamijwe guhisha inyerezwa ry’ inkunga Leta yari yaraherewe kububakira amazu meza y’amabati.

(8)Icyemezo cyo kurandura imyaka y’abaturage kugira ngo bahatirwe guhinga ibyo inganda z’Agatsiko zishaka, kibonere ibifaranga byinshi naho abaturage nibashaka bicwe n’inzara na bwaki .

(9) Icyemezo cyo gukenesha abantu nkana hakoreshejwe kubambura amasambu yabo no kubaca imisoro, amahooro, amakoro…by’urudaca.

(10)Icyemezo cyo kwirukana abana ba rubanda mu ishuri no kubabuza kwiga, ibyo bikanyuzwa muri gahunda yo kubima buruse n’inguzanyo hagamijwe gucupiza mwene ngofero no guha amahirwe yose abana b’Agatsiko gusa, ngo mu myaka itaha azabe ari bo bonyine bakomeza guheza igihugu mu kiziriko cy’ingoma y’igitugu .

(12)Icyemezo cyo gukenesha abacuruzi batari abo mu nda y’ingoma hakoreshejwe Rwanda Revenue Authority ibaca imisoro irenze igipimo, akabendereza kugeza isubije ku isuka abo Agatsiko kadashaka.

(13)Icyemezo cyo kubaka urukuta rw’amategeko arenganya rubanda, za Gereza zikaba zuzuye Abenegihugu bahimbiwe amadosiye bazira gusa ko bize amashuri cyangwa ko bafite imitungo…

(14)Icyemezo cyo kwiba amajwi mu matora ku buryo nta muntu utorerwa umwanya mu nzego z’ubuyobozi uretse umukombambehe w’Agatsiko .

(15)Icyemezo cyo guhindura urubyiruko abashomeri n’inzererezi , kuko akazi gahabwa abo mu nda y’ingoma gusa abandi bagatereranwa , bakaba basigaye barahindutse nk’intama zitagira umushumba.

(16)Icyemezo cyo kwirukana abaturage mu mujyi wa Kigali ugaharirwa abaherwe, Abanyamahanga n’abo agatsiko kikundiye gusa.

(17)Icyemezo cyo gutindahaza mwarimu kugira ngo ajye yirirwa yiruka inyuma y’icyo gushyira mu nda abure umwanya wo kumurikira rubanda, abereka inzira y’ukwibohoza ku ngoma y’igitugu cy’Agatsiko.

(18) Icyemezo cyo gutikiza Abihayimana barimo abayobozi bakuru ba Kiliziya Gatolika biciwe i Gakurazo muri Kamena 1994, kugira ngo abihaye Imana bashye ubwoba bibagirwe ubutumwa bashinzwe bwo kuba abahanuzi no kuvuganira abarengana..

(19)Icyemezo cyo kudashyingura amagufa y'Abatutsi bazize jenoside yo mu 1994 ahubwo akanikwa mu nzibutso, akavangwa n'aya bamwe mu Bahutu bishwe na FPr kandi yose akitwa ay'Abatutsi ! Ni agashinyaguro gusa !

(20) Icyemezo cyo kubuza Abahutu gushyingura mu cyubahiro no kwibuka ababo bishwe na FPR , kugeza ubwo n'Abepiskopi baguye i Gakurazo bimwa uburenganzira bwo gushyingurwa muri katedalari zabo nk'uko umuco karande wa Kiliziya gatolika ubiteganya.

(21)N’ ibindi byinshi bisa n’ibyo….

Nk’uko bigaragara , ibyemezo byose Agatsiko gafata bifite icyitarusange bihuriraho : Guhima rubanda rugufi. Niyo mpamvu ubutegetsi bw’Agatsiko bwubakiye ku kinyoma, iterabwoba no kwikubira ibyiza byose by’igihugu !

II. Ese Abenegihugu bo bazafata ICYEMEZO ryari?

Biratagaje kubona ubutegetsi nk’ubu bubereyeho guhima rubanda gusa , bumara imyaka 19 abaturage batarisuganya , ngo bafate ICYEMEZO cyo guhagurukana impirita ngo babuhirike, bugende nk’ifuni iheze ! Icyo cyemezo kiri mu bushobozi bwacu , si amakabyankuru.

Niyo mpamvu Ishyaka Ishema ry’u Rwanda ryiyemeje gukora ibishoboka byose ngo rihagurutse Abenegihugu kugirango bafate ICYEMEZO cyo gusiba burundu ikimwaro cyo kuyoborwa n’ubutegetsi bwiyemeje kugira nabi gusa ! Kandi tuzabigeraho mu gihe kitarambiranye.

Icyemezo Abanyarwanda bagomba gufata ni kimwe gusa ! Buri wese muri twe, atagombye kurebera kuri mugenzi we, nabanze yibaze iki kibazo : “njyewe ku giti cyanjye natanga iki kugirango nshyigikire bidasubirwaho uru rugamba rwo guhirika aka Gatsiko kagiye kumarira Abanyarwanda ku icumu ?”

Nusanga hari umuganda watanga , fata ICYEMEZO kandi uhite ugishyira mu bikorwa : Tanga inkunga yawe, yaba nto, yaba nini .

Nusanga ntacyo ufite watanga, habe n’igice cy’idolari , hita umenya urwego urimo : Kuba umunyabwoba ukihisha mu mwobo kandi urugamba rwaremye bingana no kuba IKIGWARI n’INGAMBANYI ku itabaro!

Ibi kandi bikwiye gusobanuka neza : Gufata icyemezo cyo kudafatanya n’Abiyemeje kurwanya Agatsiko kabangamiye rubanda bikomeye bisobanura ko uba warangije guhitamo gushyigikira ubutegetsi bw’Agatsiko, wabikora ku mugaragaro cyangwa rwihishwa, byose nibyo kimwe ! Kutarwanya Agatsiko ni ukugatera inkunga ikomeye. Uwituramira imbere y'akarengane kagirirwa rubanda aba ari ku ruhande rw'abarenganya abandi !

Na none kandi byumvikane neza, gushyigikira urugamba rwo kwibohoza ku ngoma y’igitugu cy’Agatsiko si ugutanga amafaranga gusa! Ushobora no gufata umwanya wo gusengera intwari ziyemeje gutabara mu b’imbere; ushobora no gufata umwanya wo gusobanurira abana bawe, umuntu umwe cyangwa benshi mu bashyigikiye Agatsiko ukamwumvisha ko akora nabi bityo akaba agomba kureka gukomeza gutera inkunga ubutegetsi burenganya rubanda….

Umwanzuro: Fata ICYEMEZO

(1)Wowe Mucuruzi, uhora wiyuha akuya ariko ugasa n’uruhira Agatsiko kakurya ibyawe katabiruhiye kandi ntibikabuze kugucundaho ayikoba, fata icyemezo : Tanga icyacumi, ushyigikire Opozisiyo kuko ariyo yonyine izafasha Abanyarwanda kwibohoza.

(2)Wowe ufite "Entreprise" uzafata icyemezo ryari ? Aho guhora utanga amafaranga ya buri munsi wigura ku Gatsiko kandi ntibikabuze kukujujubya, fata icyemezo kimurikiwe n'ubushishozi maze ushyigikire ibikorwa bya Opozisiyo ku buryo bugaragara , ejo uzabone igihugu gituje uzakoreramo business yawe mu mutuzo, ntawe uguhagaze hejuru .

(3)Wowe rubyiruko wateshejwe kwiga kuko Leta y’Agatsiko igufata nk’utari umwenegihugu, fata icyemezo kidakuka: injira muri Batayo y’amahoro y’Ishyaka Ishema, utange umuganda wawe muri gahunda yo kuzana impinduka nziza mu buyobozi bw’igihugu cyakubyaye. Amahirwe angana ku bana bose b’u Rwanda nibikubere impamvu(cause) wamenera n’amaraso yawe.

(4)Wowe wagizwe umushomeri kandi utabuze ubwenge n’amabako byo kugira umurimo ufite akamaro wakora, fata icyemezo simusiga : kwirirwa uryamye siwo muti, emera ufatanye n’abandi guhangamura inzitizi zikubujije kubaho nk’abandi . Ibyemezo bibi by’Agatsiko nibyo byonyine byagukozeho ! Haranira ko hajyaho ubutegetsi bufasha rubanda kwigiramo ubuzima .

(5)Wowe warenganyijwe n’Inkiko z’Agatsiko : uyobewe se ko “uwigize agatebo ayora ivu ?” Fata icyemezo kitajegajega cyo gushyigikira abarwanashyaka bashaka gukuraho ubutegetsi bubi burenganya rubanda bagashyiraho Ubuyobozi bwubakiye ku mahame ya demokarasi isesuye.Nubigiramo uruhare , bizashoboka.

(6)Wowe mwarimu wahinduwe gakweto kandi wirya ukimara kugirango u Rwanda rw’ejo ruzabeho neza : aho ntugosorera mu rucaca niba urera abatazakura kuko agatsiko kabamira batararenga umutaru ? Fata icyemezo ntangarugero ko kuva uyu munsi ugiye kuva hasi ugacengeza muri abo bana n’ababyeyi babo ko Abenegihugu twese tugeze igihe cyo GUFATA ICYEMEZO cyo guhaguruka tukajya muri Opozisiyo yubaka , tugafatanya n’Ishyaka ISHEMA guhangamura ubutegetsi bw’ AGATSIKO kahinduye u Rwanda nk’akarima k’umwihariko wa bake.

Nidufatanya tuzatsinda, Abajya inama Imana irabasanga.

Padiri Thomas Nahimana, Wafashye Icyemezo-ndakuka cyo gutanga umuganda we mu Ishyaka Ishema.

Ubwo yagezaga ku nteko ishinga amategeko imitwe yombi raporo ku karengane gakorerwa u Rwanda hashingiwe ku mutekano muke mu burasirazuba bwa Repubulika Iharanira Demokarasi ya Congo, Komisiyo idasanzwe iyobowe na Dr Senateri Bizimana Jean Damascene yasabye ibihugu bitandukanye n’imiryango mpuzamahanga guhagarika akarengane bikorerera u Rwanda.

Iyi raporo yashyizwe ahagaragara nyuma y’aho ku itariki ya 12 Ukwakira 2012, hasohotse raporo z’impuguke z’umuryango w’abibumbye zivuga ko u Rwanda rufite uruhare mu ihungabana ry’umutekano mu burasirazuba bwa Repubulika Iharanira Demokarasi ya Congo. U Rwanda rwatanze ibisobanuro ariko byirengagizwa nkana ndetse bituma bamwe mu baterankunga bagendeye kuri izo raporo bahagarika zimwe mu nkunga bahaga u Rwanda.

Ku bw’izo mpamvu, Inteko Ishinga Amategeko y’u Rwanda yahagurukiye kumenya neza imiterere y’icyo kibazo niko gutumiza Minisititi w’Ingabo Gen. Kabarebe na Ministiri w’ububanyi n’amahanga Louise Mushikiwabo na Minisitiri w’Imari n’Igenamigambi (yari akiri John Rwangombwa) ngo bagire icyo babivugaho.

Nyuma y’ibisobanuro byatanzwe muri icyo kiganiro, (hari ku itariki ya 04 Ukuboza 2012). Inteko Rusange y’Imitwe yombi yasanze ari ngombwa kugicukumbura ku buryo buhagije, nuko ku itariki ya 07 Ukuboza 2012, ishyiraho Itsinda rishinzwe gusesengura impamvu zituma ukuri kuvugwa n’u Rwanda ku bibazo biri mu Burasirazuba bwa Kongo kutemerwa n’amahanga.

Kuri uyu wa 6 Werurwe nibwo Dr Senateri Bizimana Jean Damascene n’itsinda rye bagaragaje iyi raporo bamaze amazi asaga abiri bakora. Nk’uko byagarutsweho muri iyi raporo y’amapaji 160 ngo u Rwanda rukorererwa akarengane n’ibihugu bitandukanye ndetse n’imiryango mpuzamahanga kandi rurengana.

U Rwanda ruzira ibibazo rutateye

Nk’uko iyi raporo ibivuga ngo abantu bose bikoma u Rwanda bakavuga ko ibibazo biri muri Congo biterwa n’u Rwanda kandi iki kibazo gishingiye ku mateka yaranze iki gihugu kuva kera cyane mu mwaka w’1884-1885.

Aha Dr Bizimana yavuze ko icyo gihe ubwo ibihugu by’Afurika byaterwaga imirwi hari ibice bitandukanye by’u Rwanda birimo Intara za Masisi n’ikirwa cy’Idjwi byari byometswe kuri Repubulika Iharanira Demokarasi ya Congo.

Ubwo ibyo bice byajyanwaga muri Congo hagiyeyo abantu bavuga ururimi rw’ikinyarwanda, ndetse ngo uko imyaka yakomeje kugenda yicuma niko abo bantu bavuga ururimo rw’ikinyarwanda bagiye bateshwa agaciro ndetse bakabangamirwa bikomeye.

Dr Bizimana yavuze ko muri Congo bigeze gutora itegeko riha ubwenegihugu abo banyekongo bavuga ikinyarwanda, ariko byaje kuba iby’ubusa kuko kuwa 29/06/1981 abadepite batoye itegeko ribambura ubwenegihu, gusa ngo uwari Perezida yanze kurisinya kuko yabonaga ko rizateza amacakubiri.

Ntibyarekeye aho kuko akarengane n’ivangura bikorererwa abavuga ikinyarwanda byakomeje kuburyo no mu mwaka w’1991 ubwo i Kinshasa habaga inama yiswe “Conference National” abavuga urwo rurimi basohowe shishi itabona.

Ikibazo cyanze gukemuka ahubwo kigaba amashami

Uku kudaha agaciro abakongomani bavuga ururimi rw’ikinyarwanda byakomeje kugenda bikurura umwuka mubi haba ku butegetsi bwa Mobutu ndetse na Désiré Kabila.

Abakongomani bavuga ikinyarwanda bakomeje guharanira uburenganzira bwabo ndetse hagenda havuka imitwe itandukanye irimo za RCD, CNPD n’iyindi, gusa ikibazo ngo cyakomeje kuburirwa umuti nk’uko Dr Bizimana yabigarutseho muri iyi Raporo.

Ibi ni nabyo ngo byaje gutuma haba amasezerano yabaye kuwa 23 Werurwe 2009, CNDP igirana amasezerano na Congo ariko nayo ntacyo yagezeho; ibi byanatumye havuka umutwe witwa M23 umaze iminsi uhanganye na Leta iyobowe na Joseph Kabila.

Basabwe kureka kwikoma u Rwanda

Mu myanzuro ikubiye muri iyi raporo yatangajwe uyu munsi, itsinda ryayikoze ryasabye inzego zitandukanye kwita ku kuri kwateye ikibazo aho guhora bashaka kugereka ibibazo ku Rwanda barurenganya.

Iri tsinda ryasabye Akanama k’umuryango w’abibumye gashinzwe amahoro ku isi gukora ubushakashatsi bwimbitse ku gitera intambara yo muri Congo, kunoza uburyo bashyiraho impuguke zoherezwa muri Congo no gushyiraho uburyo bwo kugenzura imikorere yabo; kuko byagaragaye ko abiswe inzobere batari bashoboye. Ibyo ngo bigaragazwa n’uko abantu batatu kuri batandatu bari bagize itsinda ryasohoye raporo yavugaga ko u Rwanda rwafashije M23 batari bujuje ibisabwa.

Ako kanama kandi kasabwe gufatira ibihano impuguke zako zitubahiriza amategeko zimena amaganga, kwamagana ivangura rikorerwa abaturage ba Congo cyane cyane abavuga ikinyarwanda.

Iri tsinda ryanasabye Akanama k’umuryango w’abibumye gashinzwe amahoro ku isi guhindura abagize itsinda ry’inzobere za Loni bashinzwe gukora ubushakashatsi muri Congo kuko ngo barimo abantu babogamye kandi banga u Rwanda na Perezida warwo Paul Kagame.

Iri tsinda ryanasabye ako kanama kureka gushingira kuri raporo z’imiryango nka Human Right Watch, Amnesty International n’iyindi kuko baba bishakira inyungu aho gushakakira akarere amahoro.

Mu byasabwe ibihugu by’amahanga bitandukanye harimo: Kubahiriza amasezerano y’ubutwererane bifitanye n’u Rwanda, kwitondera inyandiko zose zisebya u Rwanda, kudahagarika inkunga zigenerwa u Rwanda kuko ziba zigamije kuzamura ibikorwa by’amajyambere n’ibindi.

Muri iyi myanzuro kandi, imiryango mpuzamahanga yasabwe kwirinda gusebya u Rwanda no kurukomanyiriza mu byo batangaza, kureka gukoresha no gukorana n’amashyirahamwe y’Abanyarwanda n’Abanyekongo bagamije gusebya u Rwanda. Iyi miryango kandi yasabwe kwirinda kugura amakuru n’ubuhamya babanje gutanga amafaranga cyangwa izindi ndonke nk’uko bagiye babikoma mu myaka ishize.

Mu bushakashatsi bakoze, abagize iri tsinda bifashishije inyandiko zitandukanye zirimo raporo zagiye zikorwa n’imiryango mpuzamahanga yaba iya Leta n’itari iya Leta ku kibazo cy’umutekano muke mu burasirazuba bwa DRC, bifashishije kandi impuguke zinyuranye ku kibazo cy’umutekano n’amahoro muri aka Karere, bifashisha abatangabuhamya n’inzego zagiye zigira uruhare mu gushakira umuti iki kibazo.

Abagize iri tsinda banagiye muri Repubulika Iharanira Demokarasi ya Congo baganira n’abantu batandukanye barimo abayobozi, abahohotewe, MONUSCO n’abandi.

Daddy SADIKI RUBANGURA UMUSEKE.COM